11:31 - 24 Nov, 2017
2017-09-13 04:34:31, 522 ნახვა
ზალკალიანის ინფორმაციით, საქართველოს საკითხებში სპეციალური წარმომადგენლის დანიშვნის თემა ვაშინგტონში შეხვედრაზე არ განხილულა

საგარეო საქმეთა მინისტრის მოადგილის დავით ზალკალიანის განცხადებით, ვაშინგტონში საქართველო ამერიკის სტრატეგიული პარტნიორობის ქარტიის თავდაცვისა და უსაფრთხოების სამუშაო ჯგუფის შეხვედრაზე საქართველოს საკითხებში  სპეციალური წარმომადგენლის დანიშვნის საკითხი საერთოდ არ განხილულა.

მისივე თქმით, საქართველოს აშშ-თან ყველა საკითხზე და ყველა დონეზე აქვს ურთიერთობა.

„ყველა ის საკითხი, რომელიც აქტუალურია განიხილება, როგორც სტრატეგიული პარტნიორობის ქარტიის ოთხივე სამუშაო ჯგუფში, ისე ორმხრივ დიალოგში და, ბუნებრივია, ჩვენთვის პრობლემა არ არის ამერიკელ პარტნიორებთან ნებისმიერ დონეზე დავაყენოთ ის საკითხი, რაც აქტუალურია საქართველო-ამერიკის ორმხრივ ურთიერთობებში, ასევე ყველა ის საკითხი,რომელიც აქტუალურია  საქართველოსთვის“,-განაცხადა დავით ზალკალიანმა.

შეგახსენებთ, საქართველოს პრეზიდენტმა გიორგი მარგველაშვილმა აშშ-ის ვიცე-პრეზიდენტ  მაიკ პენსს აშშ-ის პრეზიდენტის მიერ, საქართველოს საკითხებში სპეციალური წარმომადგენლის დანიშვნის ინიციატივით მიმართა.



სოციალური ქსელები
კომენტარები



კალაძე: 12-მა ოჯახმა მოგვმართა, რომლებიც დროებითი საცხოვრებელი ფართებით იქნებიან უზრუნველყოფილი
Strana: მიხეილ სააკაშვილს უკრაინიდან ახალ წლამდე გააძევებენ
სული მეწვის- გარდაცვლილი სპეცრაზმელის მეუღლე ემოციურ პოსტს აქვეყნებს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics