ამერიკის შეერთებულ შტატებში ვიზიტის ფარგლებში, ფინანსთა მინისტრი მამუკა ბახტაძე საერთაშორისო სავალუტო ფონდის ფისკალურ საქმეთა დეპარტამენტის უფროსს, ვიტორ გასპარს შეხვდა. 

მხარეებმა  დეპარტამენტის მიერ საქართველოს, კერძოდ, ფინანსთა სამინისტროსთვის ტექნიკური დახმარების  მიმდინარეობის საკითხები განიხილეს. 

ხაზი გაესვა საერთაშორისო სავალუტო ფონდის „გაფართოებული დაფინანსების მექანიზმის" (EFF) პროგრამის მეორე მიმოხილვის წარმატებით დასრულების მნიშვნელობას. ფინანსთა მინისტრმა  სსფ-ის ფისკალურ საქმეთა დეპარტამენტის უფროსს გააცნო ის დადებითი  დინამიკა, რაც 2017 წლის ბოლოს და 2018 წლის დასაწყისიდან აღინიშნება ეკონომიკაში, საგადასახადო ადმინისტრირების კუთხით, განიხილეს საგადასახადო პოლიტიკასა და შემოსავლების ადმინისტრირების საკითხები, საგადასახადო პოლიტიკის საშუალოვადიანი სტრატეგიით გათვალისწინებული ღონისძიებები.

როგორც შეხვედრაზე აღინიშნა, საერთაშორისო სავალუტო ფონდი გააგრძელებს საქართველოს მხარდაჭერას ფისკალური რეფორმების განხორციელების პროცესში.

(NS)

ავტორი: ,

სოციალური ქსელები

უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს

გერმანიის საგარეო - საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ

„მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს

ვლადიმერ პუტინი მაისში ჩინეთში ვიზიტს გეგმავს