2018-03-24 11:19:10, 1388 ნახვა
საზოგადოება
უვიზო მიმოსვლის თაობაზე საინფორმაციო შეხვედრები უმაღლეს სასწავლებლებსა და ქვეყნის სხვადასხვა რეგიონებში გაიმართა
უვიზო მიმოსვლის შესახებ საინფორმაციო კამპანიის მესამე ტალღის ფარგლებში მოსახლეობასთან შეხვედრები გრძელდება. 19-23 მარტს, კამპანიის ფარგლებში შეხვედრები დედაქალაქშიც მიმდინარეობდა. საგარეო საქმეთა სამინისტროს, ნატოსა და ევროკავშირის შესახებ საინფორმაციო ცენტრისა და შინაგან საქმეთა სამინისტროს წარმომადგენლები, ასევე ექსპერტები თბილისის უმაღლესი სასწავლო დაწესებულებების სტუდენტებს შეხვდნენ. შეხვედრები გაიმართა 5 უნივერსიტეტში: საქართველოს ტექნიკურ, სოხუმის სახელმწიფო, აღმოსავლეთ ევროპის, ივანე ჯავახიშვილის თბილისის სახელმწიფო და გრიგოლ რობაქიძის სახელობის უნივერსიტეტებში. შეხვედრებს 230-მდე სტუდენტი დაესწრო. კამპანიის ფარგლებში, დედაქალაქის პარალელურად შეხვედრები რეგიონებში გაგრძელდა. მიმდინარე კვირაში შეხვედრები გაიმართა სამეგრელოში, აჭარაში, გურიასა და ქვემო ქართლში, მათ შორის ზუგდიდში, წალენჯიხაში, სენაკში, ფოთში, ოზურგეთში, ბათუმში, ქობულეთში, ახალციხეში, გარდაბანში, რუსთავში, ბოლნისსა და მარნეულში, ასევე ახალციხეში. აღნიშნულ რეგიონებში საინფორმაციო ცენტრისა და საექსპერტო წრეების წარმომადგენლებმა 15 შეხვედრა გამართეს და 830-მდე ადამიანს შეხვდნენ. კამპანიის ფარგლებში შეხვედრის მონაწილეები კიდევ ერთხელ გაეცნენ ევროკავშირის/შენგენის ზონაში უვიზოდ მიმოსვლის წესებს. შეხვედრებზე ყურადღება გამახვილდა იმ რისკებსა და საფრთხეებზე, რომელიც უკავშირდება როგორც წესების დარღვევას, ისე ევროკავშირის ქვეყნებში თავშესაფრის მიღების პროცედურების არამართლზომიერად გამოყენებას. საუბარი შეეხო საკანონმდებლო ცვლილებებსაც, რასაც სახელმწიფო უვიზო მიმოსვლის წესების დარღვევის პრევენციისთვის გეგმავს. საინფორმაციო კამპანია საგარეო საქმეთა სამინისტროსა და ნატოსა და ევროკავშირის შესახებ საინფორმაციო ცენტრის ორგანიზებით, სამოქალაქო სექტორთან თანამშრომლობით, საქართველოში ევროკავშირის დელეგაციისა და მიგრაციის პოლიტიკის განვითარების საერთაშორისო ცენტრის (ICMPD) მხარდაჭერით ხორციელდება.
(NS) ავტორი: , პარლამენტი „უცხოური გავლენის გამჭვირვალობის შესახებ“ კანონპროექტს მე-2 მოსმენით 29 აპრილს განიხილავს
ირაკლი ღარიბაშვილი ირანის ელჩს შეხვდა
პრემიერი აქციებზე - კარგი არის ის, რომ ერთ ქვაბში იყრება ყველა, ვინც ერთ ქვაბში ისედაც არის მოთავსებული
კასპში "დაავადებათა ადრეული გამოვლენა და სკრინინგის“ სახელმწიფო პროგრამის „კიბოს სკრინინგის“ კომპონენტის ფარგლებში, უფასო სამედიცინო აქცია დასრულდა
|
ომი უკრაინაშიუკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|