2017-05-24 16:03:41, 1998 ნახვა
სამართალი
სააპელაციო სასამართლომ მამალაძის ადვოკატები სასამართლო განხილვებზე დააბრუნა
სააპელაციო სასამართლომ მამა გიორგი მამალაძის ადვოკატების საჩივარი დააკმაყოფილა და ისინი ე.წ. ციანიდის საქმის სასამართლო განხილვებზე დააბრუნა. ამის შესახებ „ექსპრესნიუსს“ მამალაძის ერთ-ერთმა ადვოკატმა მიხეილ რამიშვილმა განუცხადა. „აუცილებლად ჩვენი მონაწილეობით გაგრძელდება სხდომა. მეც ახლა შევიტყვე სააპელაციო სასამართლოს გადაწყვეტილება. ვბურნდებით ისევ და ვაგრძელებთ საქმეს“,-განუცხადა მიხეილ რამიშვილმა „ექსპრესნიუსს“. შეგახსენებთ, მამა გიორგი მამალაძემ 19 მაისს სასამართლო სხდომა პროტესტის ნიშნად მას შემდეგ დატოვა, რაც მოსამართლემ არსებითი განხილვის სხდომების სრულად დახურვის გადაწყვეტილება მიიღო. მამალაძის მოწოდების საფუძველზე პროცესი ადვოკატებმაც დატოვეს. მოსამართლემ მიიჩნია, რომ ბრალდებულმა და დაცვის მხარემ საპროცესო კანონმდებლობა დაარღვიეს, როდესაც პროტესტის ნიშნად სასამართლოს სხდომის დარბაზი დატოვეს. როგორც საქალაქო სასამართლოს განცხადებაში ვკითხულობთ, სასამართლომ მოუწოდა დაცვის მხარეს წესრიგის დაცვისაკენ, ვინაიდან, სასამართლოს მითითებას ადვოკატები არ დაემორჩილნენ, სასამართლოს უპატივცემულობისა და წესრიგის დარღვევისათვის სამივე ადვოკატი გაძევებულ იქნა სხდომის დარბაზიდან. აღნიშნულის თაობაზე, სასამართლომ გამოიტანა კერძო განჩინება, რომელიც გადაეგზავნა ადვოკატთა ეთიკის კომისიას. მოსამართლის გადაწყვეტილებით, ბრალდებულის უფლებებს, მომდევნო სხდომაზე სახაზინო წესით დანიშნული ადვოკატი დაიცავდა. თუმცა, ადვოკატებმა პროცესიდან მათი გაძევების გადაწყვეტილება სააპელაციო სასამართლოში გაასაჩივრეს. ამ უკანასკნელმა მიხეილ რამიშვილი და გიორგი ფანცულაია სასამართლო სხდომის განხილვებზე დააბრუნა, ხოლო მესამე ადვოკატთან დაკავშირებით გადაწყვეტილება ჯერ უცნობია. რაც შეეხება 30 მაისს ჩანიშნულ სასამართლო პროცესს, მიხეილ რამიშვილის თქმით, მხარეები თავდაპირველად სასამართლოს წინაშე შესავალი სიტყვით წარდგებიან, რის შემდეგაც მტკიცებულებების გამოკვლევა დაიწყება. სასამართლომ წინასასამართლო სხდომაზე პროკურატურის ყველა ძირითადი მტკიცებულება დასაშვებად სცნო. ასევე დასაშვებად სცნო დაცვის მხარის ყველა მტკიცებულება ორის გარდა, რომელიც გადაცემებისგან საეთერო ჩანაწერებს ეხება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან კობახიძე - ევროპარლამენტარებმა ვერ მოიშალეს ზრუნვა სააკაშვილზე - ეს არის ინდიკატორი, ამ ადამიანებს სინამდვილეში რა ამოძრავებთ
აჭარის პოპულარიზაცია საერთაშორისო გამოფენებზე გრძელდება
დაცული ტერიტორიების სააგენტოს ამერიკის შეერთებული შტატების სატყეო სამსახურისგან ბორჯომ-ხარაგაულის ეროვნული პარკის ხანძრის მართვის გეგმა გადმოეცა
პარლამენტი „უცხოური გავლენის გამჭვირვალობის შესახებ“ კანონპროექტს მე-2 მოსმენით 29 აპრილს განიხილავს
|
ომი უკრაინაშიუკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|