2015-06-30 17:51:32, 1130 ნახვა
ეკონომიკა
თანამედროვე ონკოლოგიის მიღწევა – „ავერსმა“ ახალი პრეპარატი შემოიტანა
„ავერსმა“ საქართველოში დარეგისტრირებული, ახალი ონკოლოგიური პრეპარატის, „რიგვირის“ პრეზენტაცია გამართა. პრეპარატი ლატვიაში 2008 წლიდანაა ხელმისაწვდომი და რამდენიმე ათას პაციენტზე წარმატებითაა გამოცდილი. აღნიშნულ პრეზენტაციას ესწრებოდა ლატვიის სამეცნიერო კვლევითი ინსტიტუტის დირექტორი, პროფესორი ივარს კალვინსი, რომელიც 2015 წელს ევროპის საუკეთესო გამომგონებლად დასახელდა. მისი თქმით, საქართველო ლატვიის მიერ სპეციალურად იქნა შერჩეული, ქვეყანაში არსებული არაკორუმპირებული ჯანდაცვის სისტემის გამო. კალვინსმა პრეპარატის მოქმედებასა და მის დადებით თვისებებზე ისაუბრა, მისი თქმით, „რიგვირი“ არაგენმოდიფიცირებული, უსაფრთხო პრეპარატია, რომელსაც გვერდითი ეფექტები არ აქვს და აუმჯობესებს სიცოცხლის ხარისხს. ლატვიელი პროფესორის თქმით, პრეპარატს შეუძლია მიაგნოს კიბოს უჯრედებს, შეაღწიოს მათში და გაანადგუროს ისინი. პრეპარატის შესახებ ისაუბრა დერმატოლოგმა ლალი მეკოკიშვილმაც. მან აღნიშნა, რომ საქართველოში მელანომითა და კანის კიბოთი დაავადებული ადამიანების რიცხვი მატულობს, „რიგვირის“ გამოყენება კი მელანომას მეტასტაზირების პრევენცირებას უზრუნველყოფს. „რიგვირის“ შეძენა ქართველი მომხმარებლისთვის უკვე შესაძლებელია აღმაშენებლის 148 ნომერში, „ავერსის“ აფთიაქში. ერთი ფლაკონის ღირებულება 1050 ლარს შეადგენს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინული მედია - რუსეთის ხარკოვზე თავდასხმის შედეგად, 5 ადამიანი დაშავდა, მათ შორის 2 ბავშვია
კიევი აშშ-ს სთხოვს დაზვერვის მონაცემებს რუსეთის სამიზნეებზე
უკრაინის საჰაერო ძალები - რუსების მიერ გაშვებული 13-ვე „შაჰიდი“ გავანადგურეთ
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა
მთავარი თემა
|