ტერორისტულმა დაჯგუფება "ისლამურმა სახელმწიფომ" სირიასა და ერაყში მათ მიერ კონტროლირებადი ტერიტორიის 95% დაკარგა, - ამის შესახებ ამერიკის შეერთებული შტატების პრეზიდენტის სპეციალურმა წარმომადგენელმა ISIS-სთან ბრძოლის საკითხებში ბრეტ მაკგერკმა განაცხადა. ინფორმაციას Ura ავრცელებს.

როგორც მაკგერკმა აღნიშნა, 2014 წლიდან, მას შემდეგ რაც აშშ-ის კოალიცია ჩამოყალიბდა, 7.5 მილიონი ადამიანი დაჯგუფებისგან გათავისუფლდა, ხოლო 2.6 მილიონმა ერაყელმა სახლში დაბრუნება მოახერხა. 

მისივე თქმით, ამ ეტაპზე დაჯგუფებას ყველაზე დიდი კოალიცია ებრძვის, რომელიც 74 სახელმწიფოსგან შედგება. 

"ისლამურმა სახელმწიფომ’’ მათ მიერ კონტრლირებადი ტერიტორიის 95% დაკარგა. ISIS-ის აღარ აქვს დედაქალაქი, ე.წ. ხალიფატი იშლება, ისინი გარბიან იქ, სადაც დამალვა შეუძლიათ", - განაცხადა მაკგერკმა. 

ცნობისთვის, მიმდინარე წლის 17 ოქტომბერს ამერიკის მიერ მხარდაჭერილმა სირიის დემოკრატიულმა ძალებმა ტერორისტული დაჯგუფება „ისლამური სახელმწიფო“ დაამარცხეს და ქალაქი რაქა გაათავისუფლეს. რაქა ტერორისტების ერთ-ერთ საყრდენ ქალაქად ითვლებოდა. ასევე, სირიის ჯარმა "ისლამური სახელმწიფოს" მიერ კონტროლირებადი ბოლო ქალაქი დეირ ალ-ზორიც აიღო.  გარდა ამისა, ტერორისტებმა ბოლო საყრდენი ადგილი ერაყის ქალაქ მოსულშიც დაკარგეს. ერაყის სამხედრო ძალებმა მოსულის გათავისუფლება მიმდინარე წლის 29 ივნისს შეძლეს.

ავტორი: ,

სოციალური ქსელები

მანჯგალაძე - მოძალადეების სიის გაკეთება „ქართული ოცნებიდან“ უნდა დაიწყოს

გოცირიძე - ე.წ. რეესტრის შექმნა ემსახურება ერთ მიზანს - დაიწყოს რეპრესიები და ამის შედეგად „ოცნებამ“ ძალაუფლება შეინარჩუნოს

საფერავი - კეთილშობილი, მსოფლიო დონის ვაზის ჯიში - პრესტიჟული ამერიკული ღვინის ჟურნალი „Wine Enthusiast“ ქართული ღვინის სარეკლამო კამპანიას აგრძელებს

ლიტერატურული გამოცემა „არილი“ - საიუბილეო, 30-ე წელს თეა წულუკიანმა დაფინანსება შეგვიწყვიტა