2024-04-30 11:52:47, 224 ნახვა
საზოგადოება
ნინო თანდილაშვილი მე-15 პეტერსბერგის კლიმატის დიალოგში (Petersberg Climate Dialogue) სიტყვით გამოვიდა
კლიმატის საკითხებში თანამშრომლობის შესახებ მაღალი დონის პოლიტიკური დისკუსიების ფორუმს ბერლინში, გერმანიის ფედერაციული რესპუბლიკისა და აზერბაიჯანის მთავრობებმა ერთობლივად უმასპინძლეს. ფორუმზე მიზნობრივი ინოვაციური იდეები და სამომავლო თანამშრომლობის საკითხები განიხილეს. მაღალი დონის სესიაზე სიტყვით გამოსვლისას, საქართველოს გარემოს დაცვისა და სოფლის მეურნეობის მინისტრის პირველმა მოადგილემ, ნინო თანდილაშვილმა პეტერსბერგის კლიმატის დიალოგის ფორმატთან დაკავშირებით ისაუბრა და ხაზი გაუსვა კლიმატის მხარეთა 29-ე კონფერენციის ბაქოში ჩატარების მნიშვნელობის საკითხს. „ეს არის კარგი შესაძლებლობა სამხრეთ კავკასიის რეგიონისთვის, რათა ჩვენ უკეთ წარმოვაჩინოთ ჩვენი რეგიონის გამოწვევები კლიმატის ცვლილების კუთხით“, - განაცხადა ნინო თანდილაშვილმა. მინისტრის პირველმა მოადგილემ კლიმატის ცვლილების წინააღმდეგ ბრძოლის მიზნით საქართველოს მიერ განხორციელებულ მნიშვნელოვან ღონისძიებებსა და პროგრესზე გაამახვილა ყურადღება და ხაზი გაუსვა ევროინტეგრაციის პროცესში კლიმატის ცვლილების კუთხით აღებული ვალდებულებების შესრულების მნიშვნელობის საკითხს. ნინო თანდილაშვილის განცხადებით, საქართველო 2050 წლისათვის კლიმატნეიტრალურობისკენ ისწრაფვის, ამავდროულად, თანმიმდევრულად ასრულებს კლიმატის ცვლილების კუთხით ასოცირების შეთანხმებით გათვალისწინებულ ყველა ვალდებულებას. მაღალი დონის ღონისძიების გახსნით ნაწილში მონაწილეობა მიიღეს გერმანიის ფედერაციული რესპუბლიკის კანცლერმა, ოლაფ შოლცმა და აზერბაიჯანის რესპუბლიკის პრეზიდენტმა, ილჰამ ალიევმა, ასევე გერმანიის საგარეო საქმეთა მინისტრმა, ანალენა ბერბოკმა. მე-15 პეტერსბერგის კლიმატის დიალოგმა 40-მდე ქვეყნის მაღალი დონის წარმომადგენელი გააერთიანა, მათ შორის, ევროკომისიის, ევროკავშირის წევრი ქვეყნების, ბრიტანეთის, ამერიკისა და აფრიკის ქვეყნების მინისტრები და მაღალი თანამდებობის პირები, რათა განეხილათ კლიმატის ცვლილებით გამოწვეული კრიზისის დაძლევისკენ მიმართული კონკრეტული საკითხები. დიალოგი ფოკუსირებული იყო კლიმატის ცვლილების პროცესების შესარბილებლად ფინანსების მობილიზების თემაზე. პეტერსბერგის კლიმატის დიალოგი 2010 წელს, გერმანიის ყოფილი კანცლერის, ანგელა მერკელის ინიციატივით შეიქმნა და მის მიზანს, ყოველწლიურად შერჩეული სახელმწიფოების გაერთიანებით, გაეროს კლიმატის ცვლილების კონფერენციებზე (COP) წარმატებული მოლაპარაკებებისთვის მომზადება წარმოადგენს. აღსანიშნავია, რომ ფორუმის სახელწოდება პირველი კლიმატის დიალოგის ჩატარების ადგილს უკავშირდება, რომელიც ბონში, პეტერსბერგის მთაზე მდებარე ამავე სახელწოდების სასტუმროში გაიმართა. მას შემდეგ მაღალი დონის პოლიტიკური დისკუსიების ფორუმი ყოველწლიურად ბერლინში იმართება. ინფორმაციას გარემოს დაცვისა და სოფლის მეურნეობის სამინისტრო ავრცელებს. ავტორი: NS (სტატია დაფინანსებულია), შოლცი - გარკვევით ვთქვი, რომ ეს კანონი შეცდომად მიმაჩნდა და არ უნდა ყოფილიყო მიღებული, ჩემი პოზიცია არ შეცვლილა
პაპუაშვილი - ტყუილია, თითქოს რეგისტრაციის საკითხი ფიზიკურ პირებზეც ვრცელდება
კალაძე - ზურაბიშვილი პრეზიდენტია და არ აქვს არჩევნებში მონაწილეობის უფლება, თუმცა ის ხშირად არღვევს კონსტიტუციას
მერია - კახა კალაძემ ოჯახის სიწმინდის დღისადმი მიძღვნილ საზეიმო მსვლელობაში მიიღო მონაწილეობა
|
ომი უკრაინაშიტუაფსეში ნავთობგადამამუშავებელ ქარხანაზე დრონებით შეტევა იყო [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 489 870-მდე რუსი ჯარისკაცი მოკლეს
უკრაინის საჰაერო ძალები - ღამით, 20 რუსული „შაჰიდი“ გავანადგურეთ
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა
მთავარი თემა
|