2022-09-15 10:47:14, 2028 ნახვა
კულტურა
ბათუმში კენკროვანი კულტურების საერთაშორისო ფორუმი გაიმართა
საერთაშორისო ფორუმს გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი, USAID-ის მისიის ხელმძღვანელი ჯონ პენელი და აჭარის ავტონომიური რესპუბლიკის სოფლის მეურნეობის მინისტრი ზაზა შავაძე ესწრებოდნენ. „ბოლო წლებში, ინტენსიურად მიმდინარეობს კენკროვანი კულტურების წარმოება როგორც დასავლეთ, ისე აღმოსავლეთ საქართველოში. ძირითადი ბაზა, რა თქმა უნდა, დასავლეთ საქართველოა. მნიშვნელოვანია, რომ საერთაშორისო ფორუმი ბათუმში ტარდება, რადგან აჭარის რეგიონისთვის კენკროვანი კულტურების წარმოება სიახლეა; ვფიქრობ, ლურჯ მოცვს აჭარაში ძალიან დიდი პერსპექტივა აქვს. სტაბილურად მიმდინარეობს ნარგავების გაშენება და სახელმწიფო პროგრამებით სარგებლობა; ამავდროულად, უკვე ვიღებთ მოსავალს, რომელიც ბოლო 2 წლის განმავლობაში გასამმაგდა; უკვე მსოფლიო ეკონომიკურ ბაზრებს მიეწოდება ქართული, ხარისხიანი კენკროვანი პროდუქცია“, - განაცხადა გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა ფორუმზე მისასალმებელი სიტყვით გამოსვლის დროს. ფორუმის მონაწილე ადგილობრივმა და საერთაშორისო ექსპერტებმა სერბეთიდან, იტალიიდან, პორტუგალიიდან და პოლონეთიდან ერთმანეთს გაუზიარეს გამოცდილება კენკროვანი კულტურების მოყვანის მეთოდებზე, იმსჯელეს თანამედროვე აგროტექნოლოგიებზე, კენკროვანი კულტურების მწარმოებელთა წინაშე მდგარ გამოწვევებზე და ექსპორტის შესაძლებლობებზე. ასევე, განიხილეს ის მარკეტინგული ინსტრუმენტები, რომლებიც კენკროვანი კულტურების სექტორის კონკურენტუნარიანობის გასაზრდელად შეიძლება იყოს გამოყენებული. „მოხარული ვარ, რომ ვიმყოფები კენკრის საერთაშორისო ფორუმის გახსნაზე. ჩვენ ამ 30 წლის განმავლობაში, რომელიც საქართველოს და ამერიკას აკავშირებს, ვახორციელებდით სხვადასხვა სექტორის დაფინანსებას და მხარდაჭერას, მათ შორის, ერთ-ერთი მნიშვნელოვანი სექტორის, სოფლის მეურნეობის, რადგან სწორედ სოფლის მეურნეობა ქმნის შესაძლებლობას ხალხისთვის. ჩვენ ამას ვახორციელებთ ჩვენს პარტნიორებთან ერთად, საქართველოს მთავრობასთან, კერძო სექტორის ჩართულობით“,-განაცხადა USAID-ის მისიის ხელმძღვანელმა, ჯონ პენელიმ. საერთაშორისო ფორუმში სხვადასხვა სამთავრობო უწყებისა და დონორი ორგანიზაციების წარმომადგენლები და კენკრის მწარმოებლები მონაწილეობდნენ. კენკროვანი კულტურების საერთაშორისო ფორუმი ადგილობრივი მმართველობის ორგანოებთან მჭიდრო თანამშრომლობით, USAID-ის სოფლის მეურნეობის პროგრამისა და თიბისი ბანკის მხარდაჭერით ჩატარდა.
ავტორი: NS (სტატია დაფინანსებულია), ორი დათვლის მეთოდით, მმართველი პარტიის მხარდასაჭერად 112 ათასიდან 126 ათასი ადამიანი გამოვიდა
ხაზარაძე - ივანიშვილმა აღიარა, რომ მისი პარტიისთვის ევროკავშირი „გლობალური ომის პარტიაა“
ივანიშვილი - ამ პროცესებით ხელისუფლებას არაფერი დააკლდება გარდა იმისა, რომ გლობალურ ომის პარტიას გავანაწყენებთ, რომელსაც მეორე ფრონტის არგახსნის გამო, წყენა ისედაც არ აკლია
ივანიშვილი - გრძელდება დაჟინებული ზეწოლა ხელისუფლებაზე სასამართლოს ხელში ჩასაგდებად, რომელიც იქამდე გაგრძელდება, ვიდრე წარმატების იმედს ბოლომდე არ დაკარგავენ
|
ომი უკრაინაშინატოს გენერალური მდივანი კიევში ჩავიდა
უკრაინა კრასნოდარის მხარეში თავს დაესხა ნავთობგადამამუშავებელ ქარხანასა და სამხედრო აეროდრომს
Welt: უკრაინა გამოვიდა რუსეთთან მოლაპარაკებების პროცესიდან 2022 წელს იმის გამო, რომ კრემლმა ახალი მოთხოვნები წამოაყენა
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|