ეროვნული უშიშროების საბჭოს მდივანი დავით რაქვიაშვილი  სირიაში განვითარებულ მოვლენებთან დაკავშირებით, პრეზიდენტის დავალებით კონსულტაციებს გამართავს.

როგორც მან ჟურნალისტებს განუცხადა, „სირიაში მიმდინარე კრიზისი იმ გლობალური დაპირისპირების ერთ-ერთი ეპიზოდია, რომელიც  რუსეთის ფედერაციის მიერ ჰიბრიდული მეთოდებით წარმოებულ ომსა და  ცივილიზებულ სამყაროს შორის მიმდინარეობს“.

„პრეზიდენტის მიერ დავალებული მაქვს, რომ ამ საკითხთან დაკავშირებით გავმართო კონსულტაციები. პრეზიდენტი  შესაბამის გადაწყვეტილებას კონსულტაციების შედეგად მიიღებს,“ - აღნიშნა დავით რაქვიაშვილმა.

პენტაგონის ოფიციალური წარმომადგენლის კენეტ მაკკენზის განცხადებით, ამერიკის შეერთებულმა შტატებმა, დიდმა ბრიტანეთმა და საფრანგეთმა სირიაში ქიმიური იარაღის მწარმოებელ ობიექტებზე 105 სარაკეტო იერიში მიიტანეს, - ამის შესახებ UsaToday იუწყება.

პენტაგონის ცნობით, სარაკეტო იერიში სულ სამ ადგილას განხორციელდა - დამასკოს მახლობლად მდებარე კვლევით ცენტრზე და პროვინცია ჰომსის მახლობლად ქიმიური იარაღის 2 საწყობზე.

მაკკენზის განცხადებით, ამ იერიშით სირიის ხელისუფლების ქიმიური იარაღის პროგრამას "რამდენიმე წლით" ბოლო მოეღო.

აშშ-ის თავდაცვის სამინისტროს კიდევ ერთი წარმომადგენლის, დანა უაითის თქმით, ამერიკას სირიაში კონფლიქტის გაჩაღება არ სურს, თუმცა საერთაშორისო სამართლის ნორმების დარღვევას არ შეეგუება. მანვე დასძინა, რომ რაკეტებმა წარმატებით გაანადგურეს თითოული სამიზნე.

ავტორი: ,

სოციალური ქსელები

18 საერთაშორისო ორგანიზაცია კობახიძეს მოუწოდებს, დაუყოვნებლივ გაიწვიონ კანონპროექტი და დაიცვან ჟურნალისტების უსაფრთხოება

კობახიძე - კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ჩვენთვის მისაღები ვერ იქნება

შსს - ერთ-ერთი დაკავებული ამბობს, რომ მელიასგან, ელისაშვილისგან, გვარამიასგან, ვაშაძისგან, ჯაფარიძისგან 1 200 ლარი მიიღო

კალაძე - საჭიროა შევიარაღდეთ სიმართლით და გავაანალიზოთ მიმდინარე პროცესები, რადგან ეს ყველა ჩვენგანის ვალია ქვეყნის წინაშე