ტრამპმა აშშ-ის სახელმწიფო მდივანი რექს ტილერსონი თანამდებობიდან გაათავისუფლა

2018-03-13 17:00:43, 2570 ნახვა

მსოფლიო

აშშ-ის სახელმწიფო მდივანი რექს ტილერსონი თანამდებობიდან გაათავისუფლეს.

ამის შესახებ, ქვეყნის პრეზიდენტმა, დონალდ ტრამპმა „ტვიტერის“ საკუთარ გვერდზე დაწერა.

ტრამპმა ტილერსონს გაწეული სამსახურისთვის მადლობა გადაუხადა და აღნიშნა, რომ სახელმწიფო მდივანის თანამდებობას, ცენტრალური დაზვერვის სააგენტოს დირექტორი მაიკ პომპეო დაიკავებს.

„მაიკ პომპეო, ცენტრალური სადაზვერვო სააგენტოს უფროსი, ჩვენი ახალი სახელმწიფო მდივანი გახდება. ის ფანტასტიკურ სამსახურს გაგვიწევს! მადლობა რექს ტილერსონს მისი მუშაობისთვის! ჯინა ჰასპელი გახდება ცენტრალური სადაზვერვო სააგენტოს ახალი უფროსი და ამ თანამდებობაზე პირველი ქალი იქნება“, - წერს ტრამპი.

Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!
— Donald J. Trump (@realDonaldTrump) March 13, 2018