მარგველაშვილი: თუ ვეტოს დაძლევენ, „მაუწყებლობის შესახებ“ კანონი პლურალისტურ მედიას დააზარალებს

2018-02-20 15:34:32, 2084 ნახვა

პოლიტიკა

საქართველოს პრეზიდენტ გიორგი მარგველაშვილის განცხადებით, თუ პარლამენტმა „მაუწყებლობის შესახებ“ კანონზე მის მიერ დადებული ვეტო დაძლია, ამ სახით მიღებული კანონი პლურალისტურ მედიას დააზარალებს.

მარგველაშვილის შეფასებით, კანონი თავად საზოგადოებრივი მაუწყებლის იმიჯისთვისაც ცუდი იქნება:

„თუ ვეტო იქნა დაძლეული, ასეთ შემთხვევაში მაუწყებლობის კანონი დააზარალებს პლურალისტურ მედიას, მაუწყებლობის კანონი დააზარალებს საზოგადოებრივი მაუწყებლის იმიჯს, ეს იქნება მარტივად ცუდი. თუმცა, ინსტიტუტების შერყევა „ქართული ოცნების“ საფირმო ნიშანი გახდა“,-აღნიშნა გიორგი მარგველაშვილმა.

ცნობისთვის, გუშინ პარლამენტის თავმჯდომარე ირაკლი კობახიძემ განაცხადა, რომ საპარლამენტო უმრავლესობა „მაუწყებლობის შესახებ“ კანონპროექტზე პრეზიდენტის ვეტოს დაძლევს

ავტორი: ,

სოციალური ქსელები