საქართველო რეგიონში იტალიის მნიშვნელოვანი პარტნიორია და იტალია აფასებს მის პროგრესსა და მიღწევებს, - ამის შესახებ მიუნხენში საქართველოს ვიცე-პრემიერის მიხეილ ჯანელიძის და იტალიის საერთაშორისო თანამშრომლობის მინისტრს ანჯელინო ალფანოს შორის გამართულ შეხვედრაზე ითქვა. 

საგარეო უწყების ინფორმაციით, მინისტრებმა კმაყოფილებით აღნიშნეს ორ ქვეყანას შორის არსებული მეგობრული და პარტნიორული ურთიერთობა, რომელმაც ბოლო პერიოდში განსაკუთრებული დინამიკა შეიძინა.

საქართველოს საგარეო უწყების ხელმძღვანელი მიესალმა ეუთო-ში იტალიის თავმჯდომარეობას და იმედი გამოთქვა, რომ საქართველო-რუსეთის კონფლიქტი აქტიურად დარჩება ორგანიზაციის დღის წესრიგში, ისევე როგორც გაძლიერდება ეუთო-ს ძალისხმევა ხელი შეუწყოს კონფლიქტის მშვიდობიან დარეგულირებას.

იტალიის საგარეო უწყების ხელმღვანელმა კიდევ ერთხელ დააფიქსირა იტალიის მხარდაჭერა საქართველოს სუვერენიტეტის და ტერიტორიული მთლიანობის მიმართ და დადებითად შეაფასა საქართველოს მთავრობის კონფლიქტის მშვიდობიანი დარეგულირების პოლიტიკა და ომით დაშორიშორებულ მოსახლეობას შორის შერიგების პროცესის ხელშეწყობა.

იტალიის საგარეო საქმეთა მინისტრმა კიდევ ერთხელ დაადასტურა იტალიის მხარდაჭერა ევროპული და ევრო-ატლანტიკური ინტეგრაციის გზაზე, ამ კონტექსტში ხაზი გაუსვა ევროკავშირში ინტეგრაციის პროცესში საქართველოს წარმატებულ რეფორმებს და   ვიზალიბერალიზაციის მიმდინარეობის მიმართ იტალიის მხარდაჭერას. ამ კონტექსტში მიხეილ ჯანელიძემ იტალიელ კოლეგას გააცნო საქართველოს ევროინტეგრაციის შემდგომი მიზნები, მათ შორის საგზაო რუკით დასახული ამოცანები, რაც ითვალისწინებს საქართველოს მეტ ინტეგრაციას ევროპულ ნორმებთან, სტანდარტებთან.

იტალიის საგარეო საქმეთა მინისტრმა მაღალი შეფასება მისცა საქართველოს პრემიერ-მინისტრის იტალიაში ვიზიტის დროს გამართულ ბიზნეს-ფორუმს და აღნიშნა ის პოზიტიური შედეგები, რაც ბიზნეს-ფორუმმა მოიტანა ეკონომიკური თანამშრომლობის განვითარებისა და იტალიური კომპანიების მხრიდან საქართველოსადმი ინტერესის გაზრდის თვალსაზრისით. მინისტრებმა დადებითად შეაფასეს ტრადიციულად ბრწყინვალე ხალხთაშორისი ურთიერთობები.

ავტორი: ,

სოციალური ქსელები

იმედი წამყვანებმა: ზურაბ ბალანჩივაძემ, ნათია ორველაშვილმა და ეკატერინე ამირეჯიბმა დატოვეს

შინაგან საქმეთა სამინისტრო უჩა აბაშიძის დაკავებასთან დაკავშირებით განცხადებას ავრცელებს

​​TV პირველის ინფორმაციით, ტელევიზიის ტერიტორიაზე ჩასაფრება მოაწყვეს

სახალხო დამცველი მოუწოდებს შსს-ს დაუყოვნებლივ მისცეს უჩა აბაშიძის ადვოკატებს მათი დაცვის ქვეშ მყოფ პირთან შეხვედრის შესაძლებლობა