2017-12-05 19:18:05, 2092 ნახვა
სამართალი
ზღვაში დაკარგული სამხედროების საქმეზე ორ ბრალდებულს თავისუფლების აღკვეთა მიესაჯა, ერთი კი, გათავისუფლდა
თბილისის საქალაქო სასამართლომ ვახტანგ ბოლქვაძე და გია ხიდურელი, რომლებიც შავ ზღვაში გაუჩინარებული ჯარისკაცების ოჯახებს წერილებს დაკარგული შვილების სახელით სწერდნენ და ფულს ითხოვდნენ, დამნაშავედ სცნო.
კიდევ ერთი ბრალდებული ჯამბულ შეყილაძე კი გამართლდა და სასამართლო დარბაზიდან გათავისუფლდა. ვახტანგ ბოლქვაძეს 7 წელი, ხოლო გია ხიდურელს 6 წლით თავისუფლების აღკვეთა მიესაჯა.
შეგახსენებთ, 16 აგვისტოს გონიოს ყოფილი სასროლეთის ტერიტორიაზე, შავ ზღვაში მიმდინარე წვრთნის დროს, ორი სამხედრო მოსამსახურე კაპრალი იაგო შარაძე და I კლასის რიგითი გიორგი ნანეტაშვილი დაიკარგნენ.
ავტორი: ,