23:27 - 15 Dec, 2017
2017-10-13 13:09:28, 423 ნახვა
ქუმსიშვილი: ჩვენი ქვეყნის განვითარებისთვის ძალიან მნიშვნელოვანია აშშ-ის კონგრესის მხარდაჭერა

ჩვენი ქვეყნის განვითარებისთვის ძალიან მნიშვნელოვანია ამერიკის შეერთებული შტატების კონგრესის მხარდაჭერა - ამის შესახებ ფინანსთა მინისტრმა დიმიტრი ქუმსიშვილმა ამერიკის შეერთებული შტატების კონგრესში გამართული შეხვედრების შემდეგ განაცხადა. 

მისი თქმით, კონგრესმენებთან შეხვედრისას, განიხილეს საქართველოში მიმდინარე პროცესები, ის სტრუქტურული რეფორმები, რომლებიც მიმდინარეობს ქვეყანაში.

„ასევე, ვისაუბრეთ ეკონომიკურ ვითარებაზე, რაც ჩვენს ქვეყანაში გვაქვს, შესაბამისად, ყურადღება გამახვილდა იმ მხარდაჭერის აუცილებლობაზე, რომელიც  გვჭირდება ჩვენი პარტნიორების მხრიდან," - აღნიშნა დიმიტრი ქუმსიშვილმა. 

კონგრესმენ დევიდ პრაისის განცხადებით, ქართულ დელეგაციასთან ნაყოფიერი შეხვედრა შედგა.

„გვქონდა საინტერესო და სასარგებლო შეხვედრა პირველ ვიცე-პრემიერ, ფინანსთა მინისტრ დიმიტრი ქუმსიშვილთან. ვისაუბრეთ საქართველოს ეკონომიკის შესახებ, ასევე, იმ შეხვედრების შესახებ, რომელსაც მინისტრი ქუმსიშვილი გამართავს ვაშინგტონში, როგორც ფინანსურ ინსტიტუტებთან, ისე საქართველოს მეგობარ კონგრესმენებთან რესპუბლიკური და დემოკრატიული  პარტიებიდან. ვფიქრობ, რომ საქართველოს ბევრი  აქვს სასაუბრო, განსაკუთრებით, ეკონომიკის მიმართულებით. რა თქმა უნდა, არის სირთულეები  თუმცა ქვეყანა უკეთესობისკენ ვითარდება. ეკონომიკური ზრდის ტემპი ჯანსაღია, კორუფციის ინდექსი საკმაოდ დაბალია. საქართველომ დიდი პროგრესი განიცადა ქვეყნის მართვისა და ეკონომიკური განვითარების კუთხით. ამერიკის შეერთებული შტატები მხარს უჭერს საქართველოს, ასევე მჭიდროდ ვთანამშრომლობთ საქართველოს პარლამენტთან. ჩვენ გვიყვარს საქართველო, ამერიკელი ხალხი აფასებს საქართველოს პროგრესს და ველით უფრო მეტ განვითარებას," - აღნიშნა კონგრესმენმა დევიდ პრაისმა შეხვედრის დასრულების შემდეგ.

(NS)



სოციალური ქსელები
კომენტარები



16-17 დეკემბერს იუსტიციის სახლის ხიდი გადაიკეტება
კონსტიტუციის მე-18 და მე-15 მუხლებში ცვლილებები შედის
კანონპროექტით, საზღვარგარეთ მცხოვრები ეთნიკური ქართველებისთვის საქართველოს მოქალაქეობის მიღების გამარტივება ხდება

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics