2017-05-25 18:53:22, 2233 ნახვა
სამართალი
სეოკ-ის წინააღმდეგ საქმეზე ირაკლი მეძმარიაშვილის კიდევ ორი შუამდგომლობა დაკმაყოფილდა
თბილისის საქალაქო სასამართლოში საქართველოს ეროვნული ოლიმპიური კომიტეტის წინააღმდეგ საქმის მოსამზადებელი სხდომა დღეს დასრულდა, რომელზეც მოსარჩელის შუამდგომლობები დაკმაყოფილდა. მოსამართლე თამარ ჭუნიაშვილმა მოსარჩელე ირაკლი მეძმარიაშვილის ადვოკატის ორი შუამდგომლობა დააკმაყოფილა, თუმცა მოწმის დაშვებაზე უარი განაცხადა. მეძმარიაშვილის ადვოკატის, როინ მიგრიაულის თქმით, მოწმე საქმესთან დაკავშირებით მნიშვნელოვან ინფორმაციას ფლობს, თუმცა მოსამართლემ მის დაშვებაზე უარი განაცხადა. "დღეს დავამთავრეთ მოსამზადებელი ეტაპი და ვიმედოვნებ, რომ ივნისში მთლიანად დავამთავრებთ საქმის განხილვას. დღეს ჩვენ წარმოვადგინეთ დამატებითი სესიის ოქმები ანუ წინა წლების, რომლითაც გვინდოდა დაგვერწმუნებინა სასამართლო, რომ გარკვეული ორგანიზაციები, რომლებმაც დელეგატები წარადგინეს 2016 წლის 23 დეკემბერს, არ ყოფილან გაწევრიანებული. ეს არის ჩვენი მოთხოვნა და ეს უნდა დავამტკიცოთ 6 ივნისს არსებით განხილვაზე. ჩვენ ვამბობთ, რომ მათ არ ქონდა უფლება მიეღოთ მონაწილეობა არჩევნებში. მოწმეს რაც შეეხება, ის ძალიან ბევრ, საქმისთვის საჭირო ინფორმაციას ფლობს და დავაყენეთ შუამდგომლობა, მაგრამ სასამართლომ არ მიიჩნია აღნიშნული მოწმის ჩართვა სავალდებულოდ",- აღნიშნა როინ მიგრიაულმა. სასამართლო პროცესის დასრულების შემდეგ სეოკ-ის პრეზიდენტობის კანდიდატმა ირაკლი მეძმარიაშვილმა აღნიშნა, რომ მისთვის საქმის დროულად დასრულება მნიშვნელოვანია. ირაკლი მეძმარიაშვილი სეოკ-ის პრეზიდენტის, ლერი ხაბელობის ბრალდებებს კიდევ ერთხელ გამოეხმაურა. "რაც უფრო მალე დამთავრდება ყველაფერი, უკეთესი იქნება. თუ სეოკ-ს რაიმე საბუთი აქვს დროზე მოიტანონ, რომ მალე დამთავრდესეს საქმე. მე შთაბეჭდილება მრჩება, რომ რაღაც პრობლემა აქვთ და აჭიანურებენ საქმეს. ჩემს მიმართ წამოყენებულ ბრალდებებს მინდა ვუპასუხო - ჯერ გამკეთებლის და მერე დამბრალებლის...",- განაცხადა ირაკლი მეძმარიაშვილმა. საქმე არსებით განხილვის ეტაპზე 6 ივნისს 14:00 საათზე ჩანიშნულ სხდომაზე გადავა, რომელიც შესაძლოა 12 ივნისს 13:00 საათზე გაგრძელდეს. საქართველოს ეროვნული ოლიმპიური კომიტეტის პრეზიდენტობის კანდიდატი ირაკლი მეძმარიაშვილი ოლიმპიური კომიტეტის 2016 წლის 23 დეკემბრის არჩევნების შედეგების გაბათილებას და ხელახალი არჩევნების ჩატარებას ითხოვს.
(NS) ავტორი: ირაკლი მანაგაძე , ექსპრესნიუსის რეპორტიორი 2009 წლიდან განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|