2017-05-25 17:43:22, 2498 ნახვა
მსოფლიო
მოსკოვში „ისლამური სახელმწიფოს“ 4 წევრი დააკავეს
მოსკოვში ტერორისტული ორგანიზაცია "ისლამური სახელმწიფოს" 4 წევრი დააკავეს, - ამის შესახებ RIA იუწყება.
მედია საშუალების ინფორმაციით, დაკავებულები მოსკოვში საზოგადოებრივ ტრანსპორტში ტერაქტების განხორციელებას გეგმავდნენ.
სპეცსამსახურების ცნობით, ისინი ტერაქტების მოწყობას თვითნაკეთი ასაფეთქებელი საშუალებებით აპირებდნენ. ტერაქტის განხორციელების შემდეგ კი სირიაში გამგზავრებას და "ისლამური სახელმწიფოს" რიგებში ბრძოლის გაგრძელებას გეგმავდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან