2016-10-28 14:09:28, 884 ნახვა
პოლიტიკა
პრემიერი: მმართველობის რეფორმა დემოკრატიის განვითარების კუთხით უმნიშვნელოვანეს როლს შეასრულებს
ევროკავშირის მიერ საქართველოს მთავრობისთვის 30 მილიონი ევროს ღირებულების დახმარების გამოყოფის თაობაზე ხელშეკრულება გაფორმდა. ამის შესახებ საქართველოს პრემიერ-მინისტრმა გიორგი კვირიკაშვილმა ევროკავშირის ელჩ იანოშ ჰერმანთან ერთად გამართულ ბრიფინგზე განაცხადა. პრემიერის თქმით, აღნიშნული თანხა ქვეყანაში საჯარო მმართველობის რეფორმის განვითარებას მოხმარდება. „მინდა გაცნობოთ, რომ დასრულდა ხელშეკრულების გაფორმება ევროკავშირის მიერ საქართველოს მთავრობისთვის 30 მილიონი ევროს ღირებულების დახმარების გამოყოფის თაობაზე. ეს ევროპელი პარტნიორების მხრიდან დიდი მხარდაჭერაა. ევროკავშირი ერთერთი უდიდესი დონორია, რომელიც მრავალ წელია გვეხმარება ქვეყნის დემოკრატიული და ინსტიტუციური რეფორმების განხორციელების საქმეში. მრავალი წარმატებული რეფორმა საქართველოში, სწორედ ევროკავშირის თანადგომის შედეგია. 2011 წლიდან დღემდე, გრანტებისა და ტექნიკური დახმარების სახით, საქართველომ ევროკავშირისგან 450 მილიონ ევროზე მეტი მიიღო. დარწმუნებული ვარ, რომ რეფორმა, რომლის განხორციელებასაც ვაპირებთ, საქართველოში დემოკრატიის განვითარების, ძლიერი და დამოუკიდებელი სახელმწიფო ინსტიტუტების მშენებლობისა და ეკონომიკური წინსვლის კუთხით, ძალიან დიდ როლს შეასრულებს“, - განაცხადა კვირიკაშვილმა. პრემიერმა ევროკავშირის წარმომადგენლობას და უშუალოდ ელჩ იანოშ ჰერმანს, გაწეული დახმარებისა და თანამშრომლობისთვის მადლობა გადაუხადა და აღნიშნა, რომ რეფორმების განხორციელება, ევროკავშირთან ურთიერთობებს კიდევ უფრო განამტკიცებს. „მმართველობის რეფორმა გახლავთ მთავრობის მიერ განცხადებული 4-პუნქტიანი გეგმის ერთ-ერთი მნიშვნელოვანი მიმართულება. ამავე დროს, საჯარო მმართველობის რეფორმა არის ჩვენს მიერ ევროკავშირთან ასოცირების ხელშეკრულებით ნაკისრი უმნიშვნელოვანესი ვალდებულებაა. საჯარო მმართველობის რეფორმა მიზნად ისახავს ეფექტიანი სახელმწიფო მართვის სისტემის შექმნას, საჯარო სამსახურისა და პოლიტიკას დაგეგმვის სისტემის მოდერნიზებას და ამ სფეროში ევროპული გამოცდილების მიღებას. შევძელით და შევიმუშავეთ ადამიანური რესურსების განვითარების ფარგლებში კანონი „საჯარო სამსახურის შესახებ“. რომელიც ძალაში 2017 წლიდან შევა. ევროკავშირის მიერ გამოყოფილი თანხა, სწორედ ამ რეფორმების დაფინანსებას მოხმარდება“, განაცხადა პრემიერმა. ევროკავშირის ელჩისა და საქართველოს პრემიერ-მინისტრის შეხვედრას ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე და საგარეო საქმეთა მინისტრი მიხეილ ჯანელიძე ესწრებოდნენ. ცნობისთვის, ევროკავშირმა საქართველოს მთავრობას 30 მილიონი ევროს ოდენობის დახმარება გამოუყო. ავტორი: ირაკლი მანაგაძე , ექსპრესნიუსის რეპორტიორი 2009 წლიდან მამუკა მდინარაძე ლევან ხაბეიშვილზე - რაც არ უნდა მიუღებელი იყოს პოლიტიკოსი, მისი დაზიანებული სახის ყურება არის ძალიან უსიამოვნო, მაგრამ ისიც უნდა ვთქვათ, რომ მას არ დაესხნენ თავს, ის თვითონ იყო თავდასხმის ინიციატორი
მამუკა მდინარაძე - რასაც ვხედავთ, არის ვანდალიზმი, შეტევაზე გადასვლა და სუფთა პროვოკაცია
თბილისის ორივე სანაპირო გადაკეეტილია
რუსთაველზე აქცია კიდევ ერთხელ დაშალეს [ვიდეო]
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 469 840-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 468 720-მდე რუსი ჯარისკაცი მოკლეს
ოდესაზე რუსეთის სარაკეტო თავდასხმას, სულ მცირე, 4 ადამიანი ემსხვერპლა
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|