2024-04-21 17:23:26, 392 ნახვა
მსოფლიო
თურქეთში „ისლამურ სახელმწიფოსთან“ კავშირში ეჭვმიტანილი 36 პირი დააკავეს
თურქეთში "ისლამურ სახელმწიფოსთან" კავშირში ეჭვმიტანილი 36 პირი დააკავეს. ამის შესახებ ქვეყნის შინაგან საქმეთა მინისტრი ალი იერლიკაია სოციალურ ქსელში წერს.
მინისტრის განცხადებით, ეჭვმიტანილები სტამბოლში, ესქიშეჰირში, იზმირსა და კაისერში დააკავეს.
როგორც იერლიკაია წერს, ოპერაციის ფარგლებში არალიცენზირებული იარაღი, დიდი ოდენობით უცხოური და ეროვნული ვალუტა, ასევე ციფრული მასალა ამოიღეს.
"მინდა, რომ ჩვენმა ძვირფასმა ერმა იცოდეს - ჩვენი ქვეყნის მშვიდობის, ერთიანობისა და სოლიდარობისთვის, ჩვენ არ შევეგუებით არცერთ ტერორისტს. ჩვენ მტკიცედ გავაგრძელებთ ბრძოლას ჩვენი უსაფრთხოების ძალების ძალისხმევით",- ნათქვამია შს მინისტრის განცხადებაში.
ავტორი: ექსპრესნიუსი,