პარლამენტთან მიმდინარე "უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეებმა მთავრობის ადმინისტრაციასთან მსვლელობით გადანაცვლების გადაწყვეტილება მიიღეს.

ამის შესახებ აქციის ერთ-ერთმა წამყვანმა, ლევან ცუცქირიძემ მას შემდეგ განაცხადა, რაც "ქართული ოცნებისთვის" მიცემული ერთსაათიანი ვადა ამოიწურა.

"ჩვენ გვინდა შემოგთავაზოთ, რომ ჩვენთან ერთად, მშვიდობიანად, მშვიდად, წყნარად წავიდეთ სახელმწიფო კანცელარიასთან და მოვითხოვოთ, რომ გამოვიდეს პრემიერ-მინისტრი და დაგველაპარაკოს. ამიტომ, ჩვენ გვინდა გთხოვოთ, რომ ხელის აწევით მოგვცეთ უფლება და მანდატი, რომ წავუძღვეთ ამ მშვიდობიან მანიფესტაციას...

ჩვენ ვართ მშვიდობიანი მანიფესტანტები, მშვიდობიანი დემონსტრანტები, არ აყვეს არავინ პროვოკაციას, წავიდეთ, მივიდეთ და მოვითხოვოთ ამ კანონის უკან დაბრუნება და დაკავებულების გათავისუფლება",- განაცხადა ცუცქირიძემ.

აღსანიშნავია, რომ მანამდე აქციის მონაწილეებმა "ქართული ოცნების" ხელისუფლებას კანონპროექტის უკან გასაწვევად ერთსაათიანი ვადა მისცეს.

ავტორი: ექსპრესნიუსი,

სოციალური ქსელები

პოლიციელები და სპეცრაზმი რუსთაველზე მოქალაქეებს ძალადობრივი მეთოდებით აკავებენ

პოლიცია აქციის მონაწილეების ნაწილს მთავრობის ადმინისტრაციასთან მისვლის საშუალებას არ აძლევს

შსს - სხვადასხვა დანაყოფის თანამშრომლები მოუწოდებენ აქციაზე შეკრებილებს, პარლამენტის შესასვლელი და გამოსასვლელი გაათავისუფლონ

პარლამენტთან „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია მიმდინარეობს