2023-03-27 21:50:33, 609 ნახვა
კომენტარი
წითლიძე - ბრძოლას მოიგებს ყველა ის ქალი, რომლებმაც ქოცების ბინძური პროპაგანდისტი ამხილეს
ამ სამართლიან ბრძოლას თათიასთან ერთად მოიგებს ყველა ის ქალი, რომლებმაც ქოცების ბინძური პროპაგანდისტი შალვა რამიშვილი საჯაროდ ამხილეს, - ამის შესახებ "ერთიანი ნაციონალური მოძრაობის" წევრმა, ანა წითლიძემ განაცხადა. მისივე თქმით, ის შეხვდა თათია სამხარაძეს და შეპირდა, რომ დაუდგებოდა გვერდით ყოველდღე და ყოველთვის, იქამდე, სანამ სისტემა მას და სხვა ქალებს ერჩის. "წარმოუდგენლად ძლიერი გოგოა თათია იმისთვის, რომ რუსული ოცნების ბინძურმა პროპაგანდამ და სისტემამ შეაშინოს. ამ სამართლიან ბრძოლას თათიასთან ერთად მოიგებს ყველა ის ქალი, რომლებმაც ქოცების ბინძური პროპაგანდისტი შალვა რამიშვილი საჯაროდ ამხილეს. ველაპარაკე, მოვინახულე თათია სახლში და შევპირდი, ფიზიკურად ვიქნები მის გვერდით ყოველდღე და ყოველთვის, სანამ ეს ბინძური სისტემა მას და სხვა ქალებს ერჩის"- წერს წითლიძე. შეგახსენებთ, რომ 112-ში ტელევიზია POSTV-ის ჟურნალისტის, ნათია ბერიძის მიერ განხორციელებული ზარის გამო, 25 მარტს, გვიან ღამით "ნაციონალური მოძრაობის" წევრის, დიმა ჩიქოვანის საცხოვრებელ სახლში პოლიციამ საგამოძიებო მოქმედებები ჩაატარა. ირკვევა, რომ 112-ში ჟურნალისტმა ნათია ბერიძემ დარეკა და განაცხადა, რომ დავით კეზერაშვილის ცოლის ძმამ, სავარაუდოდ, თათია სამხარაძე გაიტაცა. ჩიქოვანმა მომხდარს პროვოკაცია უწოდა და განაცხადა, რომ ყველაფერი POSTV-მა საკუთარი თავის გასათეთრებლად დაგეგმა. 26 მარტს, თათია სამხარაძემ სოციალურ ქსელში გაავრცელა ვიდეო, სადაც თქვა რომ POSTV-ი იტყუება, თითოს ის ენმ-ის წევრის, დიმა ჩიქოვანის ბინიდან ვერ გამოდის და აქვს ჩალურჯებები. სამხარაძემ ვიდეო სახლიდან ჩაწერა, სადაც მამამისთან ერთად იყო. მომხდართან დაკავშირებით, სპეციალურმა საგამოძიებო სამსახურმა ტელეკომპანია POSTV-ის ჟურნალისტისთვის პროფესიულ საქმიანობაში უკანონოდ ხელის შეშლის ფაქტზე გამოძიება საქართველოს სისხლის სამართლის კოდექსის 154-ე მუხლის პირველი ნაწილით გათვალისწინებული დანაშაულის ნიშნებით დაიწყო. 2016 წელს, თათია სამხარაძემ POSTV-ის აღმასრულებელ დირექტორს, შალვა რამიშვილს სექსუალური შევიწროების გამო უჩივლა და დავა მოიგო. აღსანიშნავია, რომ ბოლო რამდენიმე დღის განმავლობაში, რამიშვილი სექსუალურ შევიწროებაში კიდევ რამდენიმე ქალმა ამხილა. ავტორი: ექსპრესნიუსი, |
ომი უკრაინაშიმედია - რუსეთის მხრიდან უპილოტო საფრენი აპარატებით ხარკოვზე თავდასხმის შედეგად, დაშავდა 4 ადამიანი, მათ შორის, ერთი ბავშვი
The New York Times - აშშ-ის სამხედრო დახმარების პაკეტის პირველი პარტია უკრაინამ უკვე მიიღო
უკრაინის საჰაერო ძალები - რუსეთის მიერ გაშვებული 13-ვე „შაჰიდი“ გავანადგურეთ
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|