2024-04-24 21:42:02, 285 ნახვა
მსოფლიო
ბორელი - მოვუწოდებ საქართველოს პოლიტიკურ ლიდერებს, გაიწვიონ კანონპროექტი და ქვეყანას ევროპული გზიდან არ გადაახვევინონ
მოვუწოდებ საქართველოს პოლიტიკურ ლიდერებს, გაიწვიონ კანონპროექტი და არ გადაახვევინონ ქვეყანას ევროპული გზიდან,- ამის შესახებ ევროკავშირის უმაღლესმა წარმომადგენელმა საგარეო საკითხებში, ჯოზეფ ბორელმა განაცხადა და საქართველოში, "ქართული ოცნების" მიერ “უცხოური გავლენის გამჭირვალობის შესახებ” კანონპროექტის ხელახალ ინიცირებას გამოეხმაურა. როგორც ბორელმა აღნიშნა, გამჭვირვალობა არ უნდა იქნას გამოყენებული, როგორც სამოქალაქო საზოგადოების თავისუფლების შეზღუდვის ინსტრუმენტი. "გასული კვირების განმავლობაში საქართველოს ათასობით მოქალაქე გამოვიდა ქუჩებში მშვიდობიანი დემონსტრაციის უფლების გამოსაყენებლად და კიდევ ერთხელ მოითხოვა ხელისუფლებისგან, გაიწვიოს კანონი "უცხოური გავლენის გამჭვირვალობის შესახებ". შარშან უკვე ვნახეთ შთამბეჭდავი კადრები საქართველოდან. ყველა ასაკის ადამიანს ხელში უჭირავს ქართული და ევროპული დროშები, რაც აჩვენებს მათ მტკიცე მხარდაჭერას დემოკრატიისადმი და საერთო ევროპული ღირებულებებისადმი. მაშინ მმართველმა პარტიამ და მთავრობამ საქართველოს მოქალაქეებს საჯარო პირობა მისცეს, რომ მსგავსი კანონმდებლობა აღარასდროს დაბრუნდებოდა. მოვუწოდებ საქართველოს პოლიტიკურ ლიდერებს, გაიწვიონ კანონპროექტი. როგორც გასულ წელს იყო, ცხადია, რომ ეს კანონმდებლობა შეუთავსებელია ევროკავშირის ნორმებსა და ღირებულებებთან. თუ ეს კანონი მიღებული იქნება, ეს საფრთხეს შეუქმნის საქართველოს პროგრესს ევროკავშირის გზაზე. ამ კანონის მიღება ასევე იმოქმედებს ევროკავშირის მხარდაჭერაზე ქართველი ხალხისადმი, რადგან ამ დახმარების ნაწილი ქვეყანაში არასამთავრობო ორგანიზაციების მეშვეობით ხდება. გამჭვირვალობა არ უნდა იქნას გამოყენებული, როგორც სამოქალაქო საზოგადოების თავისუფლების შეზღუდვის ინსტრუმენტი. ქართველების მომავალი ევროპაშია. გასული წლის დეკემბერში მინიჭებულმა კანდიდატს სტატუსმა უფრო დააახლოვა ჩვენი ურთიერთობები ვიდრე ოდესმე. ჩვენი კარი ღიაა, ამიტომ მოვუწოდებ საქართველოს ლიდერებს ასახონ მოქალაქეების მოლოდინები და არ გადაახვევინონ ქვეყანას ევროპული გზიდან", - განაცხადა ბორელმა. ავტორი: ექსპრესნიუსი, ომბუდსმენი - უჩა აბაშიძე ფსიქოლოგიურ ზეწოლასა და სიტყვიერ შეურაცხყოფაზე მიუთითებს
თავდაცვის მინისტრის მოადგილე ლონდონში Invictus Games 10 წლის იუბილისადმი მიძღვნილ ღონისძიებას დაესწრო
გარემოსდაცვითი ზედამხედველობის დეპარტამენტის თანამშრომლებმა სამეგრელოში უკანონო თევზჭერის 2 ფაქტი გამოავლინეს
დიმიტრი ჩიქოვანი - რუსულ კანონს ბიძინა ივანიშვილს გავუკეთებთ ერთ ადგილას
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 479 710-მდე რუსი ჯარისკაცი მოკლეს
გენპროკურატურა - ომის დაწყებიდან დღემდე უკრაინაში 546 ბავშვი დაიღუპა, ხოლო 1 330-ზე მეტი დაშავდა
უკრაინის გენშტაბი - საომარი მოქმედებების დაწყებიდან დღემდე, უკრაინაში 478 730-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|