06:31 - 29 Mar, 2024
რეკლამა/ხელმოწერა
2018-04-23 11:01:58, 1712 ნახვა

ეკონომიკა
„საქართველოს ფოსტამ“ მაღალი საერთაშორისო შეფასება მიიღო

ევროპის საფოსტო გაერთიანების PostEurop-ის მიერ გამოქვეყნდა მიმდინარე წლის გამგეობის სხდომის შემაჯამებელი დოკუმენტი, რომელშიც ორგანიზაცია აჯამებს PostEurop-ის მენეჯმენტის სტრატეგიას და საბჭოს სხდომის შედეგებს მსოფლიო საფოსტო კავშირის UPU-ს საერთაშორისო ბიუროზე განხილულ საკითხებზე.

აღნიშნულ დოკუმენტში გამოქვეყნებულია PostEurop-ის გენერალური მდივნის ბოტონდ სებენის მიერ საქართველოს ფოსტის შეფასება - „გასულ თვეს ვესტუმრე საქართველოს ფოსტას და მინდა ავღნიშნო მათი განვითარების მაჩვენებლები, რომელიც საკმაოდ მაღალია. კომპანიის პროგრესი შეუძლებელია შეუმჩნეველი დარჩეს, რაც გამოიხატება როგორც საერთაშორისო ურთიერთობებში, ასევე ადგილობრივ ბაზარზე მაღალი ხარისხის სერვისების შეთავაზებების მიმართულებით. საქართველოს ფოსტამ უმოკლეს დროში მოახერხა დაენერგა ევროპული საფოსტო სტანდარტები და მათთან შესაბამისობაში მოეყვანა მთლიანი სამუშაო პროცესი. ასევე აღსანიშნავია საქართველოს ფოსტის მიერ PostEurop-ის რიგით 34-ე პლენარული სხდომის, მისი დაარსებიდან 25-ე წლის აღსანიშნავი ღონისძიების და ბიზნეს ფორუმის ორგანიზებისათვის გატარებული მოსამზადებელი სამუშაოები. მადლობა მსურს გადავუხადო საქართველოს ფოსტის გენერალურ დირექტორს ლევან ჩიკვაიძეს და საერთაშორისო ურთიერთობების დეპარტამენტის ხელმძღვანელს ნუგზარ ბრეგვაძეს, რადგან ისინი პირადად არიან ჩართული საორგანიზაციო საკითხების ორგანიზებაში. აღნიშნული ღონისძიებები მეტად მნიშვნელოვანია ჩვენი ორგანიზაციისათვის და დარწმუნებული ვარ საქართველოს ფოსტა შესანიშნავად გაართმევს თავს მათ ორგანიზებას და იქნება საპატიო მასპინძელი.“

PostEurop-ის რიგით 34-ე პლენარული სხდომა და დაარსებიდან საიუბილეო 25-ე წლის აღსანიშნავი ღონისძება თბილისში 2018 წლის 2-4 ოქტომბერს გაიმართება. ღონისძიების ფარგლებში საქართველოს 49 ევროპული ქვეყნის 52 საფოსტო ოპერატორის ხელმძღვანელი პირი ეწვევა. ამასთანავე საქართველოს ფოსტის მხარდაჭერით ჩატარდება ბიზნეს ფორუმი, რომელშიც საფოსტო ბიზნესთან დაკავშირებული უცხოური და ადგილობრივი კომპანიები მიიღებენ მონაწილეობას.

 

 

(R)

 




ავტორი: ,


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics