2018-04-22 13:00:06, 1784 ნახვა
სამართალი
შსს-მ გენერალური ინსპექციის დისციპლინური სამართალწარმოების საკითხებზე სამოქალაქო სექტორის წარმომადგენლებისთვის სემინარი ჩაატარა
შინაგან საქმეთა სამინისტროს გენერალურ ინსპექციაში დაგეგმილი რეფორმების განხილვის მიზნით, სახალხო დამცველის და სამოქალაქო სექტორის წარმომადგენლებისთვის ორდღიანი სემინარი გაიმართა. ღონისძიება შინაგან საქმეთა სამინისტროს გენერალური ინსპექციის ორგანიზებითა და ევროკავშირის სისხლის სამართლის მართლმსაჯულების მხარდაჭერის პროექტის დაფინანსებით, ქალაქ ყვარელში, იუსტიციის სასწავლო ცენტრში ჩატარდა. შეხვედრა შინაგან საქმეთა სამინისტროს გენერალური ინსპექციის უფროსმა ალექსანდრე ხოჯევანიშვილმა და ევროკავშირის სისხლის სამართლის მართლმსაჯულების მხარდაჭერის პროექტის ხელმძღვანელმა პიმ ალბერსმა გახსნეს. ღონისძიება მრგვალი მაგიდის ფორმატით წარიმართა. შეხვედრის მონაწილეებმა გენერალური ინსპექციის დისციპლინური წარმოების საკითხები განიხილეს. წარმოდგენილი იყო პრეზენტაცია შინაგან საქმეთა სამინისტროს გენერალური ინსპექციის, მისი სტრუქტურის, ამოცანების, საკანონმდებლო ჩარჩოს, მიმდინარე და დაგეგმილი რეფორმების შესახებ. სემინარზე, ასევე, წარმოდგენილ იქნა გენერალური ინსპექციის საქმიანობის 2018 წლის პირველი კვარტლის სტატისტიკა. შინაგან საქმეთა სამინისტროს ადამიანის უფლებათა დაცვის დეპარტამენტის დირექტორმა ლონდა თოლორაიამ ადამიანის უფლებათა დაცვის კუთხით არსებულ გამოწვევებზე, მათი გადაჭრის გზებზე, ამ მიმართულებით დეპარტამენტის მიღწევებსა და დაგეგმილ ღონისძიებებზე ისაუბრა. საერთაშორისო ურთიერთობების დეპარტამენტის წარმომადგენელმა კი პოლიციის საქმიანობაზე ზედამხედველი უწყებების შესახებ პრეზენტაცია წარმოადგინა და ამ კუთხით საერთაშორისო პრაქტიკა მიმოიხილა. სამოქალაქო სექტორის წარმომადგენლებმა არსებულ გამოწვევებზე ისაუბრეს და ღონისძიების სხვა მონაწილეებთან ერთად, მათი გადაჭრის გზები განიხილეს. შეხვედრის დასასრულს, მონაწილეებმა ღონისძიება შეაჯამეს და მომავალი თანამშრომლობის გეგმები დასახეს. სემინარში მონაწილეობდნენ შინაგან საქმეთა სამინისტროს სხვადასხვა დეპარტამენტის და არასამთავრობო ორგანიზაციების წარმომადგენლები.
(NS) ავტორი: , აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|