სამი ტელეკომპანიის - „მაესტროს“, „იმედისა“ და „ჯი-დი-ეს”-ის გაერთიანებამ, საქართველოს საზოგადოებრივ მაუწყებელში ხელმძღვანელობის შეცვლასთან ერთად მედიაპლურალიზმი შეამცირა, - ამის შესახებ ამერიკის შეერთებული შტატების სახელმწიფო დეპარტამენტის 2017 წლის ანგარიშშია ნათქვამი.

ანგარიშის თანახმად, ზემოთხსენებულმა ფაქტორებმა საზოგადოებაში გაზარდა აღქმა, რომ მედია სივრცე მმართველი პარტიის სასარგებლოდაა კონცენტრირებული.

ამასთან, სახელმწიფო დეპარტამენტის ანგარიშში ნათქვამია, რომ თავისუფალი მედია ძალიან აქტიური იყო და ხედვების ფართო სპექტრს აშუქებდა.

„4 ნოემბერს 29 არასამთავრობო ორგანიზაციამ გამოთქვა წუხილი იმასთან დაკავშირებით, რომ ბიუჯეტიდან ფინანსირებად საქართველოს საზოგადოებრივ მაუწყებელთან მიმართებაში მთავრობისა და ქვეყნის ყოფილ პრემიერ-მინისტრთან დაკავშირებული პირების გავლენა იზრდება. პარლამენტმა საზმაუს ბორდის წევრის 3 ვაკანტური ადგილი შეავსო. „მაუწყებლობის შესახებ“ კანონის შეცვლა არხის მენეჯმენტის ძალაუფლებასა და კორუფციის რისკებს გაზრდის, ხოლო ბორდსა და თანამშრომლების დაცვის მექანიზმს შეასუსტებს", - ნათქვამია ანგარიშში.

სახელმწიფო დეპარტმანეტი აგრეთვე ტელეკომპანია "რუსთავი 2"-ის თემასაც შეეხო.

"არასამთავრობოების კრიტიკის საგნად იქცა პრობლემა, რომელიც სასამართლო სისტემაში გამჭვირვალობის ნაკლებობას წარმოადგენდა. 2 მარტს უზენაესმა სასამართლომ მიიღო გადაწყვეტილება „რუსთავი 2“ ქიბარ ხალვაშისთვის გადაეცა. ევროპულმა სასამართლომ აღნიშნული გადაწყვეტილების შესრულება შეაჩერა, ტელეკომპანიას კი, დიდი ფინანსური ზარალი მიადგა", - ნათქვამია ანგარიშში.

ავტორი: ,

სოციალური ქსელები

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება

მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას

სუს-ი - რუსეთის საოკუპაციო ძალების მიერ უკანონოდ დაკავებული საქართველოს სამი მოქალაქე თავისუფალია

საქართველოს ეროვნულმა კინოცენტრმა თბილისის საერთაშორისო კინოფესტივალს დაფინანსება შეუწყვიტა