12:32 - 28 Mar, 2024
რეკლამა/ხელმოწერა
2018-02-20 16:56:16, 1977 ნახვა

პოლიტიკა
კომიტეტების გაერთიანებულ სხდომაზე დაზვერვის სამსახურის უფროსს მოუსმინეს

თავდაცვისა და უშიშროების, საგარეო ურთიერთობათა და დიასპორის და კავკასიის საკითხთა კომიტეტების გაერთიანებულ სხდომაზე, საქართველოს დაზვერვის სამსახურის უფროსმა, დავით სუჯაშვილმა საინფორმაციო ბრიფინგი გამართა.  დაზვერვის სამსახურის საქმიანობის ანგარიში, დახურულ ფორმატში წარიმართა. ღონისძიების დასრულების შემდეგ, სამსახურის უფროსმა მედიასთან მცირე კომენტარი გააკეთა და საქართველოს მიმართ არსებულ საფრთხეებზე დასმულ კითხვას უპასუხა.

„პარლამენტში საკმაოდ კონსტრუქციული შეხვედრა გაიმართა. დაზვერვის სამსახურმა წარმოადგინა საინფორმაციო ბრიფინგი, რომელიც მოიცავდა სამსახურის ხედვას საერთაშორისო სივრცეებში მიმდინარე პროცესებთან დაკავშირებით. საქართველოს ტერიტორიები ოკუპირებულია და როგორ ფიქრობთ, მთავარი საფრთხე საიდან მოდის?!", - განაცხადა დავით სუჯაშვილმა.

საქართველოს დაზვერვის სამსახურის საინფორმაციო ბრიფინგი თავდაცვისა და უშიშროების კომიტეტის თავმჯდომარემ, ირაკლი სესიაშვილმა შეაფასა. მისი განცხადებით, საპარლამენტო ზედამხედველობის განხორციელების მიზნით კომიტეტები სახელმწიფო სამსახურების საქმიანობას ეცნობიან და ეს პირველ რიგში, პარლამენტის წევრებს სჭირდებათ.

„ჩვენ, დეპუტატებს, რომლებიც ვიღებთ გადაწყვეტილებებს, ამომწურავი ინფორმაცია გვჭირდება საგარეო საფრთხეებზე, რისკებზე, იმ პროცესებზე, რომლებიც განსაკუთრებით ჩვენს რეგიონში მიმდინარეობს. დაზვერვის სამსახურიდან დღეს მოვისმინეთ ზოგადი ინფორმაცია საგარეო საფრთხეებზე და რისკებზე. ჩვენ შემდგომში, იმ თემატიკიდან გამომდინარე რაც დეპუტატებს აინტერესებთ, გავაგრძელებთ უკვე კონკრეტულად თითოეული თემის ჩაშლას და სიღრმეებში გაანალიზებას საფრთხეებთან და რისკებთან მიმართებაში. ეს მნიშვნელოვანია, რათა საგარეო საფრთხეების განსაზღვრისას დეპუტატები სრულად იყვნენ ინფორმირებულნი. დაზვერვის სამსახური საკმაოდ ეფექტურად მუშაობს. ბევრი რეფორმა განხორციელდა ამ ბოლო პერიოდში და ჩვენ ამ შედეგებს ვიყენებთ და ვსარგებლობთ. ვფიქრობთ, რომ მომავალშიც მსგავსი შეხვედრები ინტენსიურად გაიმართება", - განაცხადა ირაკლი სესიაშვილმა.

საინფორმაციო ბრიფინგის დასრულების შემდეგ კომიტეტებმა დღის წესრიგით გათვალისწინებული საკითხებიც განიხილეს. დიასპორისა და კავკასიის საკითხთა კომიტეტმა თავმჯდომარის მოადგილედ ემზარ კვიციანი აირჩია. თავდაცვისა და უშიშროების კომიტეტმა კი, უმრავლესობაში კვოტების გადანაწილების გამო, თავმჯდომარის მოადგილედ კობა კობალაძის კანდიდატურას მეორედ დაუჭირეს მხარი.

თავდაცვისა და უშიშროების კომიტეტი სამხედრო ძალების რეზერვის საკანონმდებლო პაკეტის მეორე მოსმენით გაგრძელდა. თავდაცვის მინისტრის მოადგილემ, ნუკრი გელაშვილმა კომიტეტის წევრებს „სამხედრო ძალების რეზერვისა და სამხედრო სარეზერვო სამსახურის შესახებ" კანონპროექტი და მისგან გამომდინარე კანონპროექტები მუხლობრივად გააცნო და იმ ცვლილებებზე ისაუბრა, რომლებიც საკითხის პირველი მოსმენის დროს, კომიტეტის მხრიდან იქნა დაყენებული. სხდომაზე გამოთქმული შენიშვნების გათვალისწინებით, კომიტეტმა კანონპროექტთა პაკეტის მეორე მოსმენით პლენარულ სხდომაზე გატანას, მხარი დაუჭირა.

 

 

 

 

 

 

 

 

 

 




ავტორი: ,


სოციალური ქსელები
„თიბისის“ მხარდაჭერით, „თბილისი ჰილსში“ განსხვავებული კონცეფციის აპარტამენტების მშენებლობა იწყება
ოთარ შამუგია სამხრეთ-აღმოსავლეთ ევროპის სოფლის განვითარების რეგიონული ჯგუფის გენერალურ მდივანს შეხვდა
ქუთაისის აეროპორტიდან ქალაქის ცენტრამდე ავტობუსები დაინიშნა
გზების დეპარტამენტი - სამტრედია-გრიგოლეთის ხიდის აღდგენისთვის საპროექტო კვლევებში ევროპელი სპეციალისტები ჩაერთნენ

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics