2018-02-19 13:04:24, 1683 ნახვა
სამართალი
ჩაბუქის ადვოკატი: ყველა საფუძველი არსებობს, რომ სასამართლომ უარი უთხრას პროკურატურას ექსტრადირების დაწყებაზე
დემირელის კოლეჯის ხარისხის მართვის ყოფილი მენეჯერის მუსტაფა ემრე ჩაბუქის ადვოკატის ვახტანგ კვიჟინაძის განცხადებით, ყველა საფუძველი არსებობს, რომ თბილისის საქალაქო სასამართლომ უარი უთხრას საქართველოს მთავარ პროკურატურას ექსტრადირების პროცედურების დაწყებასთან დაკავშირებით. მან ხაზი გაუსვა სახალხო დამცველის რეკომენდაციას: "სახალხო დამცველი კატეგორიული წინააღმდეგია ამ პირის ექსტრადირების. გარდა ამისა, მუსტაფა ემრე ჩაბუქის მიმართ არის საერთაშორისო მხარდაჭერა, რომელსაც ხაზი მინდა გავუსვა. ევროპარლამენტარების ვიზიტს ამერიკელი კონგრესმენების ვიზიტს, რომლებიც ამ პირის მხარდასაჭერად ჩამოვიდნენ",-აღნიშნა ვახტანგ კვიჟინაძემ. რაც შეეხება უშუალოდ დღევანდრლ პროცესს, დღეს მოხდება დაცვის მხარის მტკიცებულებების გამოკვლევა. "პირველ რიგში ხაზი მინდა გავუსვა საერთაშორისო ორგანიზაციების მიერ, როგორც ოფიციალურ,ისე კერძო სექტორის მიერ ჩატარებულ კვლევებს, რომელიც ადასტურებს, თუ რა სიტუაციაა თურქეთის რესპუბლიკაში ადამიანთა უფლებების კუთხით, რომ ეს არის წამება და არაადამიანური მოპყრობა",-განაცხადა ვახტანგ კვიჟინაძემ. თბილისის საქალაქო სასამართლოში დემირელის კოლეჯის ხარისხის მართვის ყოფილი მენეჯერის, მუსტაფა ემრე ჩაბუქის თურქეთში ექსტრადირების საკითხზე პროცესი ცოტა ხანში განახლდება. სასამართლო პროცესს საქართველოში ოფიციალური ვიზიტით მყოფი კონგრესმენებიც დაესწრებიან. ავტორი: , |
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|