17:20 - 20 Feb, 2018
2018-02-14 12:13:15, 197 ნახვა
სასჯელაღსრულების სამინისტრო - გლდანის მე-8 დაწესებულებაში მსჯავრდებულმა თვითდაზიანება ერთჯერადი საპარსის პირით მიიყენა

სასჯელაღსრულებისა და პრობაციის სამინისტროს ინფორმაციით, მსჯავრდებულმა, რომელსაც ყელის არეში ჭრილობა აღენიშნებოდა, თვითდაზიანება ერთჯერადი საპარსის პირით მიიყენა.

ამის შესახებ უწყების განცხადებაშია აღნიშნული:

„მსჯავრდებულმა ჩ.ნ.-მ 10 თებერვალს საკნის საპირფარეშოში თვითდაზიანება მიიყენა. მსჯავრდებულს ციხის ადმინისტრაციამ მყისიერად აღმოუჩინა სამედიცინო დახმარება. რის შემდეგაც ის დაუყოვნებლივ იქნა გადაყვანილი სამოქალაქო სექტორის კლინიკაში.

მსჯავრდებულის ჯანმრთელობის მდგომარეობა ამ დროისთვის სტაბილურად მძიმეა. მსჯავრდებული ჩ.ნ. საკანში 3 თანამოსაკნესთან ერთად იმყოფებოდა. მოწმეთა ჩვენებით, სავარაუდოდ, მსჯავრდებულმა თვითდაზიანება ერთჯერადი საპარსის პირით მიიყენა.

გამოძიებას სასჯელაღსრულებისა და პრობაციის სამინისტროს საგამოძიებო სამსახური 115-ე მუხლით აწარმოებს“, - ნათქვამია სამინისტროს განცხადებაში.

 

(NS)



სოციალური ქსელები
კომენტარები



გერმანიის შსს: ბოლო 5 თვეში საქართველოდან თავშესაფრის მაძიებელთა რაოდენობა გასამმაგდა
აუტიზმის დიაგნოზი, შესაძლოა, სისხლისა და შარდის ანალიზებით დადგინდეს
„ვიმედოვნებ, საპრეზიდენტო არჩევნებში კანდიდატურას დააყენებს და დამარცხდება“ - ტრამპმა ოპრა უინფრი გააკრიტიკა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics