2018-02-06 12:30:36, 1802 ნახვა
საზოგადოება
„ნაციონალური მოძრაობის“ მიერ მოწვეული საკრებულოს რიგგარეშე სხდომა ჩაიშალა
თბილისის საკრებულოში ფრაქცია „ნაციონალური მოძრაობის“ მიერ მოწვეული რიგგარეშე სხდომა, სადაც მეტროსადგურ „ვარკეთილში“ მომხდარ ინციდენტზე უნდა ემსჯელათ, კვორუმის არ არსებობის გამო, ჩაიშალა. მიწვევის მიუხედავად, საკრებულოს უმრავლესობის და დედაქალაქის მერიის წარმომადგენლები შეხვედრაზე არ მივიდნენ. სხდომას ოპოზიციიდან 7 დეპუტატი და მეტროსადგურში ჭერის ჩამონგრევის შედეგად დაზარალებული 2 მოქალაქე დაესწრო. „გამოდიან აქ გადაპრანჭულები და დავარცხნილები და შარვალ-კოსტუმით აკეთებენ განცხადებას, რომ თურმე შოუებში მონაწილეობას არ მიიღებენ. უკაცრავად, ეს არის თქვენი ვალდებულება. უნდა გაითავისონ, რომ ისინი არიან თბილისელების მიერ არჩეულები,“ - განაცხადა თბილისის საკრებულოს ფრაქცია „ერთიანი ნაციონალური მოძრაობის“ წევრმა, ლევან ხაბეიშვილმა. როგორც ფრაქცია „ქართული ოცნება - დემოკრატიული საქართველოს“ თავმჯდომარის მოადგილე ვახტანგ შაქარიშვილმა აღნიშნა, მმართველ გუნდს ოპონენტების მიერ დადგმულ პოლიტიკურ წარმოდგენაში მონაწილეობის დრო არ აქვს: „კომისიების გაერთიანებულ სხდომაზე ჩვენც და უმრავლესობის წევრებმაც ძალიან მწვავე კითხვები დავსვით. ამ განხილვაში ოპოზიციის ერთმა ნაწილმა, „ევროპულმა საქართველომ“ მიიღო მონაწილეობა. მათ საშუალება ქონდათ, კითხვები დაესვათ და მერიის მაღალჩინოსნებმა, შესაბამისი სამსახურების ხელმძღვანელებმა, ასევე თბილისის ვიცე-მერმა ამ კითხვებს პასუხები გასცეს. კომისიების ფორმატში საკითხის დეტალურად განხილვის მეტი შესაძლებლობაა, მაგრამ „ნაციონალურ მოძრაობას“ საკითხის განხილვის ნაცვლად, წარმოდგენის მოწყობის სურვილი ჰქონდა“, - განაცხადა ვახტანგ შაქარიშვილმა. შეგახსენებთ, 30 იანვარს, მეტროსადგურ ვარკეთილში ჭერი 10:30 საათისთვის ჩამოინგრა. უბედური შემთხვევის შედეგად 14 ადამიანი დაშავდა ავტორი: , ჯეიკ სალივანი აშშ-ის მიერ უკრაინისთვის ATACMS-ის რაკეტების გადაცემას ადასტურებს
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|