2017-12-06 13:06:38, 1025 ნახვა
სამხედრო
თავდაცვის სამინისტროში სტრატეგიული კომუნიკაციების ბრიტანელ ექსპერტს უმასპინძლეს
საქართველოს თავდაცვის მინისტრის პირველი მოადგილე ლელა ჩიქოვანი სტრატეგიული კომუნიკაციების ბრიტანელ ექსპერტს, ასოციაციის M&C Saatch დირექტორს ჯერი ოსბორნს შეხვდა. უწყების პრესსამსახურის ინფორმაციით, შეხვედრაზე მხარეებმა საქართველოში სტრატეგიული კომუნიკაციების განვითარების კუთხით თავდაცვის სამინისტროსა და სამთავრობო სტრუქტურებში არსებული მიღწევები განიხილეს. თავდაცვის მინისტრის პირველმა მოადგილემ ბრიტანელ სტუმარს ნატო-საქართველოს არსებითი პაკეტით (SNGP) გათვალისწინებული ერთ-ერთი ინიციატივის - სტრატეგიული კომუნიკაციების განხორციელების პროცესი გააცნო. მან თავდაცვის უწყებაში განხორციელებულ რეფორმებზე, ასევე სტრატეგიულ დოკუმენტებში ასახულ მიმართულებებზე ისაუბრა, რაც თავდაცვითი მზადყოფნის გაძლიერებასა და შეიარაღებული ძალების ნატოს სტანდარტებთან თავსებადობის გაზრდას ითვალისწინებს. ლელა ჩიქოვანმა უწყების ამოცანების განხორციელებისას სტრატეგიული კომუნიკაციისა და უწყებებს შორის კოორდინირებული თანამშრომლობის მნიშვნელობა ხაზგასმით აღნიშნა. შეხვედრაზე საუბარი, ასევე სტრატეგიული კომუნიკაციების შესაძლებლობების გაძლიერებას შეეხო. შეხვედრას საქართველოს უსაფრთხოებისა და განვითარების ცენტრის (GCSD), თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის, ასევე საერთაშორისო ურთიერთობებისა და ევროატლანტიკური ინტეგრაციის დეპარტამენტების წარმომადგენლები დაესწრნენ. (NS)
ავტორი: , კობახიძე - საქართველოს რელიგიური მრავალფეროვნება ჩვენი ქვეყნის ერთ-ერთი უმთავრესი სიმდიდრეა
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
|
ომი უკრაინაშიხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
გერმანიამ უკრაინის სამხედრო დახმარების ახალი პაკეტი გამოაცხადა
ვიდეო/LIVE საქართველოს დამოუკიდებლობის დღე - პირდაპირი
|