საპარლამენტო დელეგაციის ხელმძღვანელი, იურიდიულ საკითხთა კომიტეტის თავმჯდომარე ეკა ბესელია და კომიტეტის წევრები ფინეთის იურიდიულ საკითხთა კომიტეტის თავმჯდომარეს კარი ტოლვანენს და კომიტეტის წევრებს ანტერო ლაუკკანენს და მარია ტუოკილას შეხვდნენ.

შეხვედრაზე ქართული მხარე ფინეთის იურიდიულ საკითხთა კომიტეტის საქმიანობას და ფინეთის კანონშემოქმედებით პროცესს გაეცნო. 

შეხვედრა გაიმართა ასევე ფინეთის პარლამენტის აპარატის უფროსის მოადგილესთან ტიმო ტუოვინენთან, სადაც საუბარი საკანონმდებლო პროცედურებში მოქალაქეთა ჩართულობის შესახებ საკითხებს შეეხო. აღნიშნული შეხვედრების შემდეგ, ფინეთის საპარლამენტო მეგობრობის ჯგუფმა ქართული დელეგაცია ლანჩზე მიიწვია.

დღესვე საქართველოს პარლამენტის აპარატის უფროსი, ნიკოლოზ ნათენაძე თავის ფინელ კოლეგას, ფინეთის პარლამენტის აპარატის გენერალურ მდივანს ქალბატონ მაია-ლეენა პაავოლას შეხვდა. პარალერულ რეჟიმში,  საპარლამენტო დელეგაცია ფინეთის პარლამენტის აუდიტის კომიტეტის შეხვდა  საქმიანობას და ფუნქციებს გააცნო.

დღევანდელი სამუშაო ვიზიტის ბოლო შეხვედრა სოციალურ საკითხთა და ჯანდაცვის სამინისტროში გაიმართა, სადაც ქართულ დელეგაციას სამინისტროს მრჩეველმა მერია ჰაიკკონენმა და ადვოკატმა კირსი-მარია მალმლუნდინმა უმასპინძლა. შეხვედრის ძირითადი თემა  ფინეთში შეზღუდული შესაძლებლობის მქონე პირების უფლებები  და მათთან დაკავშირებული საკანონმდებლო აქტები იყო.

ფინეთში იურიდიულ საკითხთა კომიტეტის სამუშაო ვიზიტი ორგანიზებულია ევროკავშირის (EU)   და გაერო-ს განვითარების პროგრამის (UNDP) ერთობლივი პროექტის „ადამიანის უფლებები ყველასთვის" და ფინეთში საქართველოს საელჩოს მიერ

​ 

ავტორი: ,

სოციალური ქსელები

Reuters - უკრაინა აცხადებს, რომ რუსული ბომბდამშენი მათ ჩამოაგდეს

რუსთავის საკრებულოში „ოცნების“ ფრაქცია - მივმართეთ საკრებულოს თავმჯდომარეს, ჩანიშნოს სხდომა, რომელზეც ძირითად საკითხებად იქნება საკრებულოს თავმჯდომარის და მისი მოადგილეების გადაყენების საკითხი

დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა

„ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში, უსაფრთხო საცხოვრისი დამატებით 27-მა ეკომიგრანტმა ოჯახმა შეიძინა