ნატო-ს გენერალური მდივნის იენს სტოლტენბერგის განცხადებით, ალიანსი ღია კარის პოლიტიკას აგრძელებს და მზად არის ახალი წევრები მიიღოს, - ამის შესახებ სტოლტენბერგმა კანადაში ვიზიტის დროს განაცხადა

ინფორმაციას Ukrinform-ი ავრცელებს.

"ნატოს კარი ღიაა და ამის ყველაზე კარგი მაგალითია, რომ  ცივი ომის დასრულების შემდეგ, ალიანსის წევრი ქვეყნების რაოდენობა 2-ჯერ არის გაზრდილი. გარდა ამისა, მიმდინარე წლის გაზაფხულზე მონტენეგრო ნატო-ს 29-ე წევრი ქვეყანა გახდა. იმისათვის, რომ ნატო-ს წევრი ქვეყანა გახდეთ, საჭიროა ორგანიზაციის ყველა სტანდარტი დააკმაყოფილოთ. საქართველო და უკრაინა ამ ეტაპზე რეფორმების ჩატარებაზე არიან კონცენტრირებული, კერძოდ კი, ავითარებენ თავდაცვის ინსტიტუტებს, ებრძვიან კორუფცია და დემოკრატიულ ინსტიტუტებს განამტკიცებენ", - განაცხადა ალიანსის გენერალურმა მდივანმა.

სტოლტენბერგმა დასძინა, რომ ნატო ყველაფერს აკეთებს იმისათვის, რომ საქართველომ და უკრაინამ ჩრდილოატლანტიკურ ალიანსში გაწევრიანება შეძლონ.

მისივე თქმით, არც ერთ მესამე ქვეყანას არ აქვს უფლება ამ პროცესთან დაკავშირებით, გადაწყვეტილების მიღებაში ჩაერიოს.

ცნობისთვის, მიმდინარე წლის ზაფხულში მონტენეგრო ნატო-ს 29 წევრი ქვეყანა გახდა.

ავტორი: ,

სოციალური ქსელები

კალაძე - საქართველოს კურსი უცვლელია - ქვეყნის ღირებულებები და ტრადიციები მუდამ ბმაშია ევროპულ კულტურასთან

კალაძე - სტადიონის მშენებლობაზე პრემიერ-მინისტრის ინიციატივა მეგაპროექტია, რომელსაც ქართველი ფეხბურთელები, მორაგბეები და მათი ქომაგები იმსახურებენ

საქართველოს თავდაცვის მინისტრი ლატვიის რესპუბლიკის ელჩს შეხვდა

კალაძე - საფეხბურთო ნაკრებისთვის ფულადი ჯილდოს გადაცემა ივანიშვილის მხრიდან კიდევ ერთი ეროვნული მნიშვნელობის გადაწყვეტილებაა