CCleaner აპლიკაციის „არალეგალურად მოდიფიცირებული“ ვერსია, რომელიც ერთი თვის წინ გამოვიდა გაყიდვაში, ჰაკერებმა მომხმარებლების პირადი ინფორმაციის შესაგროვებლად გამოიყენეს, - ამის შესახებ Sky News იუწყება.

მედია საშუალების ინფორმაციით, აღნიშნული აპლიკაცია უკვე 2 მილიონზე მეტმა მომხმარებელმა გადაიწერა კომპიუტერზე.

ანტივირუსის შემქმნელმა კომპანია Piriform-მა, გამოაქვეყნა განცხადება საკუთარ საიტზე, სადაც წერია, რომ ჰაკერებმა CCleaner-ის ახალ ვერსიაში შეღწევა მის გამოშვებამდე მოახერხეს.

მედიის ცნობით, ჰაკერებმა აპლიკაციის ლეგიტიმურ კოდებზე ვირუსული კოდები დაამატეს, რომელიც საშუალებას აძლევს მომხმარებელს, წაშალოს არასასურველი ფაილი ჰარდ დრაივებიდან. სწორედ ამან მისცა ჰაკერებს 2.27 მილიონი მომხმარებლის პირადი ინფორმაციის მოპოვების საშუალება. აღნიშნული ვირუსული კოდების დამატების შესახებ ინფორმაცია, აპლიკაციის გამოშვებიდან ერთ თვეში გახდა ცნობილი.

Piriform-ის წარმომადგენელმა პოლ იუნგმა განაცხადა, რომ კომპანია თავს იკავებს ზედმეტი სპეკულაციებისგან, იმის თაობაზე თუ ვინ დგას ჰაკერული შეტევის უკან და რამდენი ხანი მზადდებოდა თავდასხმა.

მისივე ინფორმაციით, ვირუსი ნაპოვნია და პრობლემა უკვე აღმოფხვრილია.

ავტორი: ,

სოციალური ქსელები

თალაკვაძე ოპოზიციას - თუ 11 წელი მედია თავისუფალია, ქვეყანაში მშვიდობაა, როგორ ბედავთ და ხალხს ატყუებთ, თითქოს ქვეყანა ევროპულ ორბიტას ჩამოშორდა

ფინანსთა მინისტრი ევროპის რეკონსტრუქციისა და განვითარების ბანკის პრეზიდენტს შეხვდა

ალექსანდრე დალაქიშვილი - ოპოზიციამ უნდა დატოვოს ის თანამდებობები, რაც უკავიათ რუსთავის საკრებულოში და ჯანსაღ გუნდს მიეცეს საქმის კეთების საშუალება

საქართველოს თავდაცვის მინისტრი ამერიკელ გენერალს შეხვდა