იუსტიციის მინისტრის მოადგილის დენის ჩერნიშოვის განცხადებით, უკრაინამ შესაძლოა, საქართველოს ყოფილი პრეზიდენტის მიხეილ სააკაშვილის საქართველოში ექსტრადირება არ განახორციელოს, ვიდრე საქართველოში სასამართლო მის საქმეებზე განაჩენს არ გამოაცხადებს, - ამის შესახებ 112.UA იუწყება.

"უკრაინაში ჯერ არაფერი მომხდარა, სააკაშვილის საზღვარზე გადასვლის გარდა. ის დოკუმენტები, რომლებიც მივიღეთ ჩვენ და უკრაინის გენერალურმა პროკურატურამ მიხეილ სააკაშვილთან დაკავშირებით, მეტყველებს იმაზე, რომ საქართველოში მის წინააღმდეგ სისხლის სამართლის საქმეები განიხილება. ეს ექსტრადირების განხორციელების მორიგი ეტაპი არ არის და ამ ეტაპში იუსტიციის სამინისტრო არ მონაწილეობს. აი, საქართველოში მიხეილ სააკაშვილი უკვე რომ გაესამართლებინათ იმ მუხლებით, რომლებიც პრესკონფერენციაზე ჩემმა კოლეგამ, ბატონმა პეტუხოვმა (იუსტიციის მინისტრის მოადგილემ) დაასახელა, მაშინ ეს იქნებოდა იუსტიციის სამინისტროს ნაწილობრივი პრეროგატივა“, - განაცხადა დენის ჩერნიშოვმა.

კითხვაზე, შეუძლია თუ არა უკრაინას, არ გადასცეს მიხეილ სააკაშვილი საქართველოს სასამართლოს გადაწყვეტილების მიღებამდე, ჩერნიშოვმა დადებითად უპასუხა.

ცნობისთვის, 8 სექტემბერს უკრაინის გენერალურმა პროკურატურამ დაადასტურა საქართველოს იუსტიციის სამინისტროს მთავარი პროკურატურისგან მიხეილ სააკაშვილის ექტსრადირების მოთხოვნის მიღება. ამასთან, იგივე მოთხოვნა უკრაინამ 2015 წელსაც მიიღო, თუმცა სააკაშვილის ექსტრადირებაზე უარი განაცხადა. მაშინ უკრაინულმა მხარემ აღნიშნა, რომ ყოფილ პრეზიდენტს პოლიტიკური მოტივით დევნიან. 

ავტორი: ,

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა