საპატრიარქოს იურისტმა ედიშერ ქარჩავამ ტელეკომპანია “ პირველის“ ეთერში   განაცხადა, რომ მეუფე პეტრეს  სურდა და კვლავ სურს პატრიარქის ტახტიდან ჩამოგდება  ნებისმიერი საშუალებით, თუნდაც მისი მოკვდინებით.

მისივე თქმით, ე.წ. ციანიდის საქმე ერთი დიდი გეგმის პატარა ნაწილია.  ანუ, ედიშერ ქარჩავას განცხადებით, ციანიდის გამოყენებით პატრიარქის მოწამვლა იყო ერთ-ერთი ხერხი  პატრიარქის მოცილების. ამასთან, საპატრიარქოს იურისტის ინფორმაციით, პატრიარქის მოწინააღმდეგეებს შორისაა დაცვის ყოფილი უფროსი სოსო ოხანაშვილი. უფრო მეტიც, ედიშერ ქარჩავა ამბობს, რომ ოხანაშვილი დედაოების სახელით, გერმანიიდან უთვლის, რომ გაჩუმდეს:

„მეუფე პეტრეს არა მარტო სურვილი იყო, სურვილი არის დღესაც. დღესაც სურს, რომ მოახდინოს კათოლიკოს-პატრიარქის ტახტიდან ჩამოგდება, მისი ყველა შესაძლო ხერხით, საშუალებით, არ აქვს მნიშვნელობა, მისი მოკვდინება. ამ სიტყვებზე მე პასუხს ვაგებ. თუ მეუფე პეტრე, რომელიც ამბობს, რომ სჯობს სიმართლისთვის დავისაჯო, ვიდრე ტყუილით გავმართლდე, ვინც ასწავლა ეს ფრაზა ისიც ვიცი, ამიტომ,  კარგი იქნება, გამოვიდეს და თუ ის მართლა ვაჟკაცია, თქვას პირდაპირ, რომ ის არ ეთანხმება კათოლიკოს-პატრიარქს, მას არ მოსწონს მისი მმართველობა, არ მოსწონს მისი ხელქვეითები. არა მარტო გეგმავს მის მოკვდინებას, ახორციელებს ამას. ამიტომ, გასცეს პასუხი და თუ არ გასცემს ის ამას პასუხს, მე აუცილებლად გავცემ პასუხს. და თან ფაქტებით გავცემ პასუხს. დეკანოზი ციანიდის საქმე- ეს არის სასაცილო. იმ თვალსაზრისით, რომ ეს არის დიდი გეგმის ერთი პატარა ნაწილი. ეს იყო ერთ-ერთი ხერხი კათოლიკოს-პატრიარქის მოცილების და მისი გუნდის. უბრალოდ, ღვთის დაშვებით ვერ განხორციელდა და აფეთქდა სიტუაცია. თვითონ აუფეთქდათ სიტუაცია. ამ ჯგუფში ერთ-ერთი მხარდამჭერი არის სოსო ოხანაშვილი. სოსო ოხანაშვილი დღეს გერმანიიდან მითვლის დედაოების პირით, გაჩუმდესო. რატომ უნდა გავჩუმდე?! სიმართლეს ვამბობ. ეს არ იყო მუქარის ტონით ნათქვამი, იმდენი ჭკუა კი ყოფნის, რომ მუქარის ტონით არ თქვას“,-განაცხადა საპატრიარქოს იურისტმა და დასძინა, რომ აღნიშნულ საქმესთან დაკავშირებით, ყველა ნაბიჯს პატრიარქის ლოცვა-კურთხევით დგამს:

 „მე გამაჩნია კათოლიკოს-პატრიარქის ლოცვა-კურთხევა სამართლებრივ საკითხებთან დაკავშირებით, რაც დაკავშირებულია თუნდაც ციანიდის საქმესთან, მაქვს სრული უფლებამოსილება, რომ ეკლესიის პოზიცია დავიცვა და წარმოვადგინო ასევე ჩემი, როგორც სამართლებრივი საკითხების მცოდნეს შეფასება. მე მაქვს ყოველი ნაბიჯის ლოცვა-კურთხევა, რაც დაკავშირებულია ამ საქმესთან ზოგადად“,-აღნიშნა ედიშერ ქარჩავამ ტელეკომპანია „პირველის“ ეთერში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება