2016-10-30 17:50:26, 7031 ნახვა
საზოგადოება
შსს-მ კადრებზე, რომელშიც ახალგაზრდები მოხუცს “კისტის” თოფს ესვრიან, გამოძიება დაიწყო
შინაგან საქმეთა სამინისტრომ სოციალურ ქსელში გავრცელებულ კადრებზე, რომელშიც ახალგაზრდები მოხუც ქალს „კისტის” თოფიდან ესვრიან, გამოძიება დაიწყო. როგორც უწყებაში "ექსპრესნიუსს" განუცხადეს, ფაქტზე გამოძიება სისხლის სამართლის კოდექსის 126-ე პრიმა მუხლით აღიძრა, რაც ოჯახში ძალადობას გულისხმობს. ამ დროისთვის იდენტიფიცირებულია ვიდეოში მონაწილეთა ვინაობა და აღნიშნულზე მიმდინარეობს საგამოძიებო მოქმედებები. ვიდეოჩანაწერს შინაგან საქმეთა სამინისტროს საზოგადოებასთან ურთიერთობის სამსახურის უფროსი თეა პერტაია გამოეხმაურა, რომელმაც აღნიშნა, რომ ოჯახში ძალადობის ყველა სავარაუდო ფაქტზე შსს-ს მხრიდან ადეკვატური რეაგირება იქნება. "ოჯახში ძალადობის ყველა სავარაუდო ფაქტზე შსს-ს მხრიდან ადეკვატური რეაგირება იქნება! ბევრმა ნახა ვიდეოჩანაწერი, სადაც ხანდაზმულ ადამიანს, წინასწარი მონაცემებით, მისივე ოჯახის წევრები პნევმატური იარაღიდან ესვრიან... ფაქტზე დაიწყო გამოძიება. შემთხვევა, შესაბამისად, გადაკვალიფიცირდა 126-ე პრიმა მუხლით, რაც ოჯახში ძალადობას გულისხმობს - გზავნილი პოტენციური მოძალადეებისთვის!", - აღნიშნა პერტაიამ. ცნობისთვის, სოციალურ ქსელში ვიდეო 29 ოქტომბერს გამოქვეყნდა. კადრებში ჩანს, თუ როგორ სასტიკად „ეხუმრებიან“ შვილიშვილები მოხუც ქალს. კადრებმა საზოგადოებაში უარყოფითი რეაქცია გამოიწვია, მათი ნაწილი შინაგან საქმეთა სამინისტროს, საქმის სასწრაფოდ აღძვრისკენ მოუწოდებდა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
გარემოს ეროვნული სააგენტო - ატმოსფერულ ჰაერში ფიქსირდება მყარი ნაწილაკების შემცველობის მატება
რუსეთმა უკრაინის ენერგეტიკულ ობიექტებზე იერიში მიიტანა
საქსტატი - თებერვალში საქართველოს ეკონომიკა 9.5%-ით გაიზარდა
|
ომი უკრაინაშიზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ვიდეო/LIVE საქართველოს დამოუკიდებლობის დღე - პირდაპირი
|