2018-05-17 11:36:22, 1916 ნახვა
პოლიტიკა
კახა კახიშვილი მოლდოვას რესპუბლიკის იუსტიციის მინისტრს ვიქტორია იფტოდისს შეხვდა
საქართველოს სასჯელაღსრულებისა და პრობაციის მინისტრი კახა კახიშვილი მოლდოვას რესპუბლიკის იუსტიციის მინისტრს ვიქტორია იფტოდისს შეხვდა. მინისტრმა შეხვედრაზე საქართველოსა და მოლდოვის რესპუბლიკას შორის არსებულ პარტნიორულ ურთიერთობას გაუსვა ხაზი და სასჯელაღსრულებისა და პრობაციის სამინისტროში განხორციელებული რეფორმების შესახებ ისაუბრა. „საქართველოს სასჯელაღსრულებისა და პრობაციის სისტემისათვის უაღრესად მნიშვნელოვანია მეგობრული ურთიერთობების გაძლიერება ევროპულ სახელმწიფოებთან, აღმოსავლეთ პარტნიორობის ფარგლებში, საერთო მიზნის ქვეშ გაერთიანებულ სახელმწიფოებთან ახლო კომუნიკაცია და საერთო, პერსპექტიული გეგმების დასახვა. ამ პროცესში, ქვეყნის განვითარებისა და დემოკრატიული ინსტიტუტების გასაძლიერებლად, უაღრესად მნიშვნელოვანია ინფორმაციის, გამოცდილებისა და საუკეთესო პრაქტიკის გაზიარება“, - განაცხადა კახა კახიშვილმა. მინისტრმა შეხვედრაზე მოლდოვას იუსტიციის მინისტრსს სასჯელაღსრულებისა და პრობაციის სისტემაში განხორციელებული რეფორმები გააცნო, რომელიც მსჯავრდებულთა უფლებრივი მდგომარეობის გაუმჯობესებას, რესოციალიზაცია-რეაბილიტაციას და სისტემაში დანერგილ სხვადასხვა ინოვაციებს ეხება. მოლდოვას იუსტიციის მინისტრი საქართველოს პენიტენციურ სისტემაში მიმდინარე რეფორმებით დაინტერესდა და აღნიშნა, რომ საქართველოს გამოცდილება ამ კუთხით, უმნიშვნელოვანესია. „დღევანდელი შეხვედრა იძლევა ახალ იმპულსს თანამშრომლობის ახალ ეტაპზე გადასვლისთვის. მივიღეთ გადაწვეტიელება, შეიქმნას სამუშაო ჯგუფი, რათა დავსახოთ სამომავლო გეგმები. რადგან ჩვენ გვაინტერესებს პენიტენციურ სისტემაში განხორციელებული რეფორმები, რომელიც საქართველოში წარმატებით განხორციელდა. მოლდოვაში ამჟამად რეფორმირების პროცესი მიმდინარეობს და საქართველოს გამოცდილება ძალიან დაგვეხმარება“, - განაცხადა მოლდოვას იუსტიციის მინისტრმა. მხარეები სამომავლოდ ერთობლივი სამუშაო ჯგუფის შექმნაზე შეთანხმდნენ და აღნიშნეს, რომ ეს ხელს შეუწყობს ურთიერთთანამშრომლობას. მოლდოვას იუსტიციის მინისტრი, ვიზიტის ფარგლებში, საქართველოს რამდენიმე პენიტენციურ დაწესებულებას ესტუმრება.
(NS) ავტორი: , აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|