16:50 - 28 Mar, 2024
რეკლამა/ხელმოწერა
2018-05-16 17:28:10, 1347 ნახვა

კომენტარი
უმრავლესობის დეპუტატი: ცოდვა ცოდვად აღარ მიიჩნევა და ამას წარმოაჩენენ ადამიანის ბუნებრივ მოთხოვნილებად

„დღეს ქვეყანაში ცოდვა ცოდვად აღარ მიიჩნევა და ამას წარმოაჩენენ ადამიანის ბუნებრივ მოთხოვნილებად“, - ამის შესახებ საპარლამენტო უმრავლესობის დეპუტატმა, ალექსანდრე ერქვანიამ პლენარულ სხდომაზე განაცხადა.

როგორც მან აღნიშნა, მოზარდ თაობას ერთმანეთის მიმართ დაუნდობლობისა და შეუწყნრებლობისაკენ გახშირებული ძალადობა და განქორწინებები უბიძგებს.

ამასთან, დეპუტატი მიიჩნევს, რომ ყოველგვარი ბოროტების სათავე, სულიერი გაუნათლებლობაა და ვითარების გამოსასწრებლად საჭიროა სასულიერო პირების ჩართვა ბავშთა აღმზრდელობით და საგანმანათლებლო საქმიანობაში, რათა ისინი ჭეშმარიტ ქრისტიანებად აღიზარდონ.

„მიმდინარეობს ყალბი ფასეულობების პროპაგანდა. ახალგაზრდებს თავს ახვევენ გარყვნილ და უზნეო ცხოვრების წესს. სატელევიზიო სივრცე სავსეა ძალადობრივი ფილმებითა და სიუჟეტებით. მშობლები ვეღარ იცლიან შვილებისთვის. ისინი აღარ ურთიერთობენ ბავშვებთან. ქვეყანაში მოშლილია უფროს-უმცროსის პატივისცემა. გახშირებულია ოჯახში ძალადობა და განქორწინებები, რაც პირდაპირ უბიძგებს მოზარდ თაობას ერთმანეთის მიმართ დაუნდობლობისა და შეუწყნარებლობისაკენ. ამ პრობლემას, ვერვ წარმოდგენილი კანონპროექტებით და ვერც კანონების გამკაცრებით ვერ გადავჭრით. ამ პრობლემის გადაწყვეტის ერთადერთი გზა არის, რომ ბავშვებს სკოლიდანვე ვსწავლოთ ერთმანეთის სიყვარული და პატივისცემა, სიკეთის კეთება და გაჭირვებული ადამიანების თანადგომა და რაც მთავარია, ბავშვები აღვზარდოთ ჭეშარიტ ქრისტიანებად.  სადაც ქრისტეა იქ სიყვარული და სიკეთეა. შეუძლებელია და შეუთავსებელია იყო ქრისტიანი და ამავე დროს მკვლელი და მოძალადე.  ამიტომ სასულიერო პირებს უნდა მივცეთ შესაძლებლობა მონაწილეობა მიიღონ ბავშთა აღმზრდელობით და საგანმანათლებლო საქმიანობაში, რადგან არც მანდატურებს და არც ფსიქოლოგებს არ ძალუძთ აგრესიისგან დაცლა. ეს მხოლოდ ეკლესიას ხელეწიფება.  სხვაგვარად ვერ შევძლებთ ამ მდგომარეობის გამოსწორებას, რადგან ყოველგვარი ბოროტების სათავე სულიერი განათლების სიმცირეშია“,- აღნიშნა ერქვანიამ. 

დეპუტატმა მოსახლეობას „ოჯახის სიწმინდის დღეც“ მიულოცა.  მისი თქმით, ოჯახის სიწმინდის დაცვა ძლიერი სახელმწიფოს საწინდარი და ქვეყნის გადარჩენის გარანტიაა.

„ამ დღის აღნიშვნა მნიშველოვანია იმ ფონზე, როდესაც  ოჯახის სიწმინდის, რწმენის, ზნეობისა და ტრადიციების წინააღმდეგ ბრძოლა მიმდინარეობს“, - განაცხადა ალექსანდრე ერქვანიამ.

 

„ექსპრესნიუსის“ რედაქცია ჰომოფობიურ განცხადებებს ემიჯნება.




ავტორი: ,


სოციალური ქსელები
კულება - ინდოეთთან თანამშრომლობა მნიშვნელოვანია - განსაკუთრებულ ყურადღებას „მშვიდობის ფორმულას“ მივაქცევთ
არ გამკვირვებია, დღეს რომ ეს მოხდა - გრიგორიადისის დედა პროცესის გადადებაზე
საქართველოს პროკურატურაში, ევროკავშირთან თანამშრომლობით, არასრულწლოვანთა მართლმსაჯულების საკითხებზე პროკურორთა და გამომძიებელთა სპეციალიზაციის კურსი ჩატარდა
თავდაცვის მინისტრი ოკუპირებული აფხაზეთის ტერიტორიიდან გადმოსვენებულთა პანაშვიდს დაესწრო

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics