ბოკუჩავა: არ არსებობს პოლიტიკური მზაობა, რომ რეალურად მოხდეს ნარკოპოლიტიკის ლიბერალიზაცია

2018-05-14 16:42:45, 1887 ნახვა

პოლიტიკა

„პოლიტიკური მზაობა არ არსებობს იმისა, რომ რეალურად მოხდეს ნარკოპოლიტიკის ლიბერალიზაცია“, - ამის შესახებ „ნაციონალური მოძრაობის“ წევრმა თინა ბოკუჩავამ განაცხადა.

როგორც მან შს მინისტრის დაპირებასთან დაკავშირებით აღნიშნა, ხელისუფლებას ეს საკუთარი პოლიტიკური მიზნებისთვის სჭირდება.

„საკანონმდებლო ორგანოს წარმომადგენლები უნდა ვეცადოთ, რომ ეს დაპირება არ დარჩეს აუსრულებელი. დარწმუნებული ვარ, რომ აქციის მონაწილეებსაც იგივე მიზანი აქვთ, რომ ეს დაპირება არ დარჩეს, დაპირებად", - განაცხადა ბოკუჩავამ.

ცნობისთვის, შს მინისტრი გიორგი გახარია აქციის „ჩვენი თავისუფლებისთვის“ მონაწილეებს შეხვდა და მათ პირობა მისცა, რომ ნარკოპოლიტიკის ლიბერალიზაციის მიმართულებით მნიშვნელოვანი შედეგები იქნება მიღწეული.

ავტორი: ,

სოციალური ქსელები