კარლეს პუჩდემონმა მთავრობის ხელმძღვანელის პოსტზე, დეპუტატი კიმ ტორა წარადგინა

2018-05-11 10:15:14, 2379 ნახვა

მსოფლიო

კატალონიის ყოფილმა ლიდერმა, კარლეს პუჩდემონმა მთავრობის ხელმძღვანელის პოსტზე უარი განაცხადა და მთავრობის მეთაორის პოსტზე პარლამენტის წევრი ქუიმ ტორა წარადგინა.

კატალონიელმა კანონმდებლებმა 22 მაისამდე უნდა მიიღონ გადაწყვეტილება, ვინ უხელმძღვანელებს მთავრობას, წინააღმდეგ შემთხვევაში კვლავ არჩევნების გამართვა გახდება საჭირო.

„დოიჩე ველეს“ ინფორმაციით, მიუხედავად პოლიტიკური გამოცდილების ნაკლებობისა, ტორა პარლამენტში ხმების უმრავლესობას მიიღებს. ის მჭიდროდ არის დაკავშირებული კატალონიის დამოუკიდებლობისთვის არსებულ მოძრაობასთან, კერძოდ, მას მხარს უჭერს პუჩდემონის პარტია „ერთად კატალონიისთვის“ და პარტია „კატალონიის მემარცხენე რესპუბლიკელები“.

პუჩდემონის მიერ კატალონიის ლიდერის პოსტზე წარდგენილი ტორა იურისტი და ჟურნალისტია. ის რეგიონის ესპანეთიდან გამოყოფის აქტიური მხარდამჭერია და რამდენიმე წიგნიც აქვს გამოცემული კატალონიის ისტორიის შესახებ.

ავტორი: ,

სოციალური ქსელები