ფრანგი ოფიცერი, რომელმაც საკუთარი თავი მძევლებზე გაცვალა, დაიღუპა

2018-03-24 12:47:22, 2219 ნახვა

მსოფლიო

ფრანგი ოფიცერი არნო ბელტრამი, რომელმაც გუშინ საკუთარი თავი მძევლებზე გაცვალა, დაიღუპა, - ამის შესახებ BBC იუწყება.

მედია საშუალების ინფორმაციით, 45 წლის ოფიცერს საფრანგეთის პრეზიდენტმა ემანულ მაკრონმა გმირი უწოდა.

მედიის ცნობით, სწორედ პოლიციელის თავდადების შედეგად მოხერხდა მძევლების მაღაზიის შენობიდან გაყვანა და მრავალსაათიანი სპეცოპერაციის დასრულება.

ცნობისთვის, საფრანგეთის ქალაქ ტრებესში, სუპერმარკეტ Super U-ზე თავდასხმამ ბოლო მონაცემებით სამი ადამიანი იმსხვერპლა. 25 წლის თავდამსხმელი სამართალდამცველებმა ადგილზევე მოკლეს.

შეგახსენებთ, რომ ტერორისტმა მძევლები მაღაზიში გუშინ აიყვანა. ფაქტს პრემიერ-მინისტრმა ედუარდ ფილიპმა ტერაქტი უწოდა. მოგვიანებით, "ისლამურმა სახელმწიფომ" მომხდარზე პასუხისმგებლობა აიღო.

ავტორი: ,

სოციალური ქსელები