08:57 - 29 Mar, 2024
რეკლამა/ხელმოწერა
2018-03-19 13:47:44, 1920 ნახვა

მსოფლიო
პოლონეთი რუსი დიპლომატების გაძევების შესაძლებლობას განიხილავს

პოლონეთი დიდი ბრიტანეთის მიმართ სოლიდარობის ნიშნად, ქვეყნიდან რუსი დიპლომატების გაძევების შესაძლებლობას განიხილავს, - ამის შესახებ Gazeta Prawna სანდო წყაროზე დაყრდნობით იუწყება.

მედია საშუალების ინფორმაციით, პოლონეთი ასევე რუსეთის წინააღმდეგ სანქციების დაწესებაზე ფირქრობს, რომელიც რუს ჩინოსნებს და კომპანიებს შეეხებათ.

წყაროს თქმით, ამ საკითხზე დისკუსიები წინა კვირას დაიწყო, თუმცა გადაწყვეტილება საპრეზიდენტო არჩევნების შედეგების შემდეგ უნდა მიეღოთ.

პოლონეთის ხელისუფლებაში მიიჩნევენ, რომ საუკეთესო ვარიანტი ევროკავშირთან ერთობლივი ნაბიჯების გადადგმა იქნებოდა. როგორც წყარო აცხადებს, თუ ევროკავშირის წევრ ქვეყნებთან ერთობლივ გადაწყვეტილებამდე ვერ მივლენ, ოფიციალური ვარშავა მზად არის რუსეთს სანქციები პირადად დაუწესოს.

ცნობისთვის, 12 მარტს, ბრიტანეთის პრემიერმა ტერეზა მეიმ განაცხადა, რომ სერგეი სკრიპალის მოწამვლის უკან დიდი ალბათობით რუსეთი დგას. როგორც მან განმარტა, სკრიპალი და მისი ქალიშვილი მოწამლეს ნივთიერებით, რომელიც რუსეთში დამზადდა. აღნიშნულის გამო, ბრიტანეთი ქვეყნიდან 23 რუსი დიპლომატის გაძევებას გეგმავს. მოგვიანებით ბრალდებებს რუსეთის საგარეო საქმეთა სამინისტრო გამოეხმაურა. უწყების პრესსპიკერმა მარია ზახაროვამ ტერეზა მეის გამოსვლას "საცირკო შოუ" უწოდა. განცხადება ასევე საგარო უწყების ხელმძღვანელმა სერგეი ლავროვმაც გააკეთა და აღნიშნა, რომ საპასუხოდ რუსეთიდან ბრიტანელ დიპლომატებს გააძევებენ.

შეგახსენებთ, რომ სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. პოლკოვნიკი სერგეი სკრიპალი 1999 წლამდე რუსეთის გენერალური შტაბის დაზვერვის მთავარ განყოფილებაში მუშაობდა. 2006 წელს მას ბრიტანეთის დაზვერვის სასარგებლოდ ჯაშუშობისთვის 13 წლით თავისუფლების აღკვეთა მიუსაჯეს. 2010 წელს ის რუსულ, ამერიკულ და ბრიტანულ სპეცსამსახურებს შორის გაცვლის ოპერაციის ფარგლებში შეიწყალეს.




ავტორი: ,


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics