სტოლტენბერგი: რუსეთი ცდილობს, საქართველოს ევროატლანტიკურ მისწრაფებებს ხელი შეუშალოს

2018-02-17 14:38:12, 1888 ნახვა

პოლიტიკა

ჩრდილოატლანტიკური ალიანსის გენერალური მდივნის იენს სტოლტენბერგის განცხადებით, რუსეთი ცდილობს, საქართველოს ევროატლანტიკურ მისწრაფებებს ხელი შეუშალოს.

როგორც სტოლტენბერგმა მინუხენში მიმდინარე უსაფრთხოების კონფერენციაზე განაცხადა, ნატო საქართველოს მხარდაჭერას გააგრძელებს.

"ტრანსატლანტიკური ალიანსი რჩება ყველაზე ეფექტიან, ძლიერ და საიმედო ალიანსად. ჩვენი საერთო უსაფრთხოებისთვის ყოველთვის მზად ვართ საჭირო დროს საჭირო ზომები მივიღოთ. ერთად ვმუშაობთ ეგეოსისა და ხმელთაშუა ზღვის რეგიონში, ასევე ავღანეთში, ერაყში, საქართველოში, უკრაინასა და დასავლეთ ბალკანეთში. ვატარებთ წვრთნებს ჰიბრიდული საფრთხეების წინააღმდეგ. ვხედავთ, რომ რუსეთი ახდენს ბრთვული შესაძლებლობების მოდერნიზებას, რაც ძალიან შემაშფოთებელია. რაც შეეხება ჩვენს მოკავშირეებს, ჩვენ საქართველოს ძლიერ მხარდაჭერას ვუცხადებთ. ნატო-ს უკვე აქვს საქართველოში ერთობლივი წვრთნების ცენტრი. მხარდაჭერას სხვა მიმართულებითაც გავაგრძელებთ", - განაცხადა სტოლტენგერმა.

შეგახსენებთ, რომ მიუნხენში რიგით 54-ე უსაფრთხოების კონფერენცია მიმდინარეობს, რომელსაც მსოფლიო ლიდერები ესწრებიან.

ავტორი: ,

სოციალური ქსელები