2018-02-13 17:30:05, 1919 ნახვა
სამართალი
საქალაქო სასამართლოში ხორავას ქუჩაზე მოზარდების მკვლელობის საქმეზე პროცესი მიმდინარეობს
თბილისის საქალაქო სასამართლოში ხორავას ქუჩაზე მოზარდების მკვლელობის საქმეზე პროცესი მიმდინარეობს. დღევანდელ სხდომაზე განახლდა თბილისის 51-ე საჯარო სკოლის სასწავლო ნაწილის დაკითხვა. ასევე სასამართლოში ელოდებიან სკოლის დირექტორსაც და ბრალდების მხარის კიდევ ერთ მოწმეს, რომლის ვინაობაც არ ხმაურდება. გარდა ამისა, სასამართლომ უნდა მიიღოს გადაწყვეტილება 9 იანვარს წარდგენილი ექსპერტიზის დასკვნების დასაშვებობასთან დაკავშირებით. დაცვის მხარე ირწმუნება, რომ მათ მიერ წარდგენილი სამედიცინო ექსპერტიზა განსხვავებულ გარემოებებს ადგენს. "ის განსხვავდება შინაარსობრივად იმ ექსპერტიზისგან, რომელიც წარმოადგინა ბრალდების მხარემ. მას შემდეგ, რაც სასამართლო გადაწყვეტს მტკიცებულებების დასაშვებობას,მას შემდეგ, რაც სასამართლოს წინაშე დაიკითხებიან ის ექსპერტები, რომლებმაც მონაწილეობა მიიღეს ჩვენი ექსპერტიზის შედგენაში, ასევე ის ექსპერტები, რომლებიც წარმოადგინა ბრალდების მხარემ სასამართლოში დასაკითხად,სასამართლომ უნდა მიიღოს გადაწყვეტილება, რომელი მხარის ექსპერტიზაა უფრო დასაბუთებული და რომელი მხარის მიერ წარმოდგენილი ექსპერტები აძლევენ ფაქტობრივად სწორ ინფორმაციას სასამართლოს", - განაცხადა კაკაბაძემ 9 იანვარს და დასძინა, რომ მათი ექსპერტიზა დანების რაოდენობის საკითხს არ ეხება. ბრალდების მხარემ კი, სასამართლოს წინაშე კომპიუტერული ექსპერტიზის დასკვნა წარადგინა. რაც შეეხება დანების რაოდენობას, დაცვის მხარის აზრით, ეს არის ყველაზე მნიშველოვანი საკითხი საქმეში. ტარიელ კაკაბაძის თქმით, იმისათვის, რომ დადგინდეს, რამდენი ადამიანი მონაწილეობდა გარდაცვლილებისთვის ჭრილობის მიყენებაში, აუცილებელია დადგინდეს, რამდენი სხვადასხვა დანით იქნა დაზიანებები მიყენებული. სწორედ ამ საკითხზე პასუხის გასაცემად დაცვის მხარემ ექსპერტიზები დანიშნა. ადვოკატებს საქმესი უცხოელი ექსპერტების ჩართვაც სურთ. შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა. ავტორი: , „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|