სააკაშვილი ვარშავის ერთ-ერთ სასტუმროში იმყოფება - მას ადგილობრივი პოლიცია იცავს

2018-02-13 14:24:24, 810 ნახვა

საქართველოს მესამე პრეზიდენტის მიხეილ სააკაშვილის ინფორმაციით, ის ვარშავის ერთ-ერთ სასტუმროში იმყოფება, - ამის შესახებ სააკაშვილმა ტელეარხ NewsOne-სთვის მიცემულ ინტერვიუში განაცხადა.

სააკაშვილის თქმით, მას პოლონელი სამართალდამცველები იცავენ. ამასთან, ყოფილმა პრეზიდენტმა აღნიშნა, რომ თვითმფრინავში მას უკრაინის საიმიგრაციო სამსახურის დადგენილება წაუკითხეს, რომლის თანახმად მას ქვეყნის ტერიტორიაზე ყოფნის უფლება აღარ ჰქონდა.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. თავად სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა.

ავტორი: ,

სოციალური ქსელები