პირი, რომელიც მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხა სავარაუდოდ დაჭრილია.

ამის შესახებ ინფორმაციას "ქრონიკა" ავრცელებს. სისხლის კვალი კორპუსის მიმდებარე ტერიტორიაზე ტელეკომპანიის კამერამ დააფიქსირა.დოდო გუგეშაშვილის დაჭრასა და მისი შვილის მკვლელობაში დამნაშავე პირმა ტერიტორია სავარაუდოდ დიღმის ტყე-პარკის გავლით დატოვა.

აღსანიშნავია, რომ გუგეშაშვილის ერთ-ერთი მეზობლის ინფორმაციით, სავარაუდოდ, მკვლელს ლურჯი ქურთუკი ეცვა და მოლურჯო გამჭვირვალე პარკით გარბოდა. 

"ლურჯი ქურთუკი ეცვა, ხოლო ხელში მოლურჯო გამჭვირვალე პარკი ეჭირა. ერთი ადამიანი იყო. სროლის ხმა არ გამიგია. ერთადერთი ყვირილი მესმოდა: მიშველეთ, მომიკლეს შვილი. დოდო ფეხშველა ჩამოვიდა მე-13 სართულიდან მე-11-ზე. სულ სისხლიანი იყო. ამ მამაკაცმა კიბეებზე ჩამოირბინა და გაიქცა. შუა ხნის, საშუალო აღნაგობის მამაკაცი იყო", - განაცხადა მეზობელმა.

შეგახსენებთ, რომ მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი. შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

ავტორი: ,

სოციალური ქსელები

მაკრონი - ევროპამ უნდა აჩვენოს, რომ ის აშშ-ის ვასალი არ არის

კალაძე - დეპუტატებმა, რომლებმაც მხარი დაუჭირეს ამ მაკულატურას, კიდევ ერთხელ უმძიმესი შეურაცხყოფა მიაყენეს ევროპულ ინსტიტუციას

კალაძე - სამარცხვინო რეზოლუციის ავტორებმა ივანიშვილის დასანქცირება მოითხოვეს - ადამიანის, რომელმაც ქვეყანა განადგურებისგან გადაარჩინა

რუსეთში პაზოლინის ბიორგაფიული წიგნი ლგბტ პროპაგანდის წინააღმდეგ ბრძოლის გამო დააცენზურეს