2017-12-07 19:58:05, 2678 ნახვა
მსოფლიო
აღმოსავლეთ იერუსალიმში მიმდინარე შეტაკებების დროს, 100-ზე მეტი ადამიანი დაშავდა (ვიდეო)
აღმოსავლეთ იერუსალიმში ისრაელის სამართაალდამცველებსა და პალესტინელებს შორის მომხდარი შეტაკების დროს, 100-ზე მეტი ადამიანი დაშავდა, - ამის შესახებ Ria იუწყება.
მედია საშუალების ინფორმაციით, დაშავებულები ადგილობრივ საავადმყოფოებში არიან გადაყვანილი. სააგენტო წერს, რომ დაშავებულების უმეტესობა პალესტინელია.
ექიმების თქმით, ადამიანების ნაწილი ცრემლსადენი გაზით ინტოქსიკაციის სიმფტომებით გადაიყვანეს, ნაწილს კი ცეცხლსასროლი იარაღით მიღებული ჭრილობები აღენიშნება.
შეგახსენებთ, რომ გუშინ ამერიკის პრეზიდენტმა იერუსალიმი ისრაელის დედაქალაქად აღიარა. აღნიშნულს მსოფლიოს მასშტაბით დიდი კრიტიკა მოჰყვა. აღმოსავლეთ იერსალიმში პალესტინელებსა და ისრაელის სამართალდამცველებს შორის შეტაკებები დაიწყო, ხოლო პალესტინაში საყოველთაო გაფიცვა მიმდინარეობს.
ავტორი: ,