08:41 - 24 Apr, 2018
2017-12-06 17:36:25, 665 ნახვა
თალაკვაძე ოპოზიციას: კარგი იქნება, თუ თქვენს გამოსვლებშიც გამოურევთ ცოტა სიმართლეს

საპარლამენტო უმრავლესობის ლიდერი არჩილ თალაკვაძე „ევროპული საქართველოს“ წევრის ოთარ კახიძის დღევანდელ განცხადებას გამოეხმაურა, რომლითაც მან იუსტიციის მინისტრის საქმიანობა გააკრიტიკა.

თალაკვაძემ ოთარ კახიძეს იუსტიციის სამინისტროს სისტემაში სერვისების განვითარების მიმართულებით,  2012 წლის შემდეგ, თეა წულუკიანის მიერ განხორციელებული პროექტების შესახებ მიაწოდა ინფორმაცია და კახიძეს სიმართლის თქმა ურჩია:

„მინდა,  გამოვეხმაურო არაზუსტ განცხადებებს, რომელიც რიგ შემთხვევებში  კოლეგებმა გააკეთეს. დროა, სიმართლეც მოისმინოთ. თქვენს გამოსვლებშიც თუ გამოურევთ ცოტა სიმართლეს, უფრო  კარგი იქნება.გაქვთ მაგისი რესურსიც და საკმარისი განათლებაც.ბატონი ოთარი ამბობდა, თეა წულუკიანმა ჩამოაქცია იუსტიციის სისტემაო. ოთარ, 7 ახალი იუსტიცის სახლი აშენდა 2012 წლის შემდეგ, მანამდე რამდენი იყო, კი გახსოვს კარგად. 3 აშენების პროცესშია. 47 ახალი საზოგადოებრივი ცენტრი აშენდა, რომელიც ასევე ერთი ფანჯრის პრინციპს ემსახურება და იმ სერვისების განვითარება და გაგრძელებაა, რომელზეც შენ საუბრობდი. 4 ოფისი აშენდა ეროვნული არქივის, სადაც გაციფრულებულია ეს ყველაფერი და თანამედროვე ტექნოლოგიების გამოყენებით ხდება ინფორმაციის გადაცემა და გამოყენება. არვიცი, შეიგძლია გააკეთო განცხადებები, მაგრამ პოლიტიკური განვითარების ისეთ ეტაპზე ვართ, რომ უნდა ვილაპარაკოთ რეალობა, წინააღმდეგ შემთხვევაში, არ უნდა გეწყინოთ, როდესაც  არჩევნებზე ხალხს თქვენი არ სჯერა ხოლმე“,-მიმართა არჩილ თალაკვაძემ  ოთარ კახიძეს პარლამენტის რიგგარეშე სხდომაზე.



სოციალური ქსელები
კომენტარები



ქეით მიდლტონს და პრინც უილიამს ბიჭი შეეძინათ
სერჟ სარგსიანმა თანამდებობა დატოვა
კვირიკაშვილი: არ ვართ ილუზიაში, კარგად ვხედავთ იმ პრობლემებს და გამოწვევებს, რომლებიც დღეს ქვეყნის წინაშეა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics