21:06 - 28 Mar, 2024
რეკლამა/ხელმოწერა
2017-11-11 11:58:58, 1801 ნახვა

საზოგადოება
აჭარის ტურისტული პოტენციალი მსოფლიოში ერთ-ერთ ყველაზე მასშტაბურ გამოფენაზე წარადგინეს

აჭარის ტურისტული პოტენციალი მსოფლიოში ერთ-ერთ ყველაზე მასშტაბურ ტურისტულ გამოფენაზე “WTM London 2017” იყო წარდგენილი.

აჭარის ტურიზმის დეპარტამენტმა საქართველოს, კერძოდ კი აჭარას პოპულარიზაცია დიდ ბრიტანეთში ტურიზმის ეროვნულ ადმინისტრაციასთან და ტურისტულ კომპანიებთან ერთად გაუწია.

ლონდონის ტურისტულ გამოფენაში მონაწილეობას 5000-ზე მეტი ტურისტული კომპანია და ორგანიზაცია მსოფლიოს სხვადასხვა ქვეყნებიდან ღებულობდა, რაც ხელს უწყობს საქმიანი კონტაქტების დამყარებასა და პოტენციური პარტნიორების მოძიებას.  გამოფენის ფარგლებში დეპარტამენტის წარმომადგენლებმა სამომავლო თანამშრომლობის მიზნით შეხვედრები  გამართეს, როგორც მსოფლიოში წამყვანი მედია საშუალებების Euronews, BBC, CNN და New York Times, ასევე ბრიტანული ტურისტული და სარეკლამო კომპანიების წარმომადგენლებთან. 

„ტურიზმი  არის ძალიან ცოცხალი, სწრაფად განვითარებადი და ცვალებადი სფერო. შესაბამისად, აუცილებელია თანამდროვე ტენდენციების შესახებ ინფორმაციის ფლობა. ლონდონის გამოფენას 50 000 ვიზიტორი სტუმრობდა. ეს არის ხალხი, რომელიც ტურიზმის ბიზნესში წამყვან პოზიციებს ფლობს, ეძებენ ახალ ბაზრებს, წარმოადგენენ ახალ ტექნოლოგიებს და ქმნიან ხედვას ტურიზმის განვითარების საკითხებში. გამოფენის ფარგლებში ჩატარდა მინისტერიალი, რომელიც მასპინძლობდა იმ ძირითადი ქვეყნების ტურიზმის მინისტრებს, რომლებმაც წარმატებული მართვის მოდელები შექმნეს. შეხვედრაზე ისაუბრეს ყველა იმ გამოწვევაზე, რომლის წინაშეც დღეს ტურიზმი დგას. 2018 წელს, დიდი ბრიტანეთი ოფიციალურ სამიზნე ქვეყნად გვემატება, სადაც აქტიური სარეკლამო და მარკეტინგული კამპანიების განხორციელებას ვგეგმავთ. მსოფლიო ტურიზმის ორგანიზაციის კვლევების თანახმად, დიდი ბრიტანეთის მოსახლეობა მუდმივად არის იმ ტურისტების ათეულში, რომლებიც ყველაზე მეტს მოგზაურობენ და მაღალგადახდისუნარიანობით გამოირჩევა. გაერთიანებული სამეფო  ჩვენთვის ძალიან საინტერესოა, როგორც ეკონომიკური, ასევე კულტურული კუთხით. ლონდონის გამოფენა იყო საუკეთესო შესაძლებლობა, საჭირო კონტაქტების დასამყარებლად, რომელიც იმედი გვაქვს მომავალში თანამშრომლობის კუთხით შედეგიანი იქნება“. განაცხადა აჭარის ტურიზმისა და კურორტების დეპარტამენტის თავმჯდომარე სულხან ღლონტმა.

 

(NS)




ავტორი: ,


სოციალური ქსელები
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
გერმანიამ უკრაინის სამხედრო დახმარების ახალი პაკეტი გამოაცხადა
პროკურატურამ, ე.წ. ქოლ ცენტრის მეშვეობით დიდი ოდენობით თანხების მოტყუებით დაუფლების ფაქტზე, 2 პირს ბრალდება წარუდგინა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics