ამირან კვირიკაშვილის გარდაცვალების ფაქტზე გამოძიება პროკურატურამ დაიწყო

2017-11-10 18:26:51, 2377 ნახვა

სამართალი

ხარაგაულში ამირან კვირიკაშვილის გარდაცვალების ფაქტზე გამოძიება საქართველოს პროკურატურამ დაიწყო.

უწყების ინფორმაციით, უკვე ჩატარდა რიგი საგამოძიებო მოქმედებები, ასევე დანიშნულია ექსპერტიზა.

როგორც ოჯახი, ისე არასამთავრობო სექტორი ითხოვდა, რომ გამოძიება შინაგან საქმეთა სამინისტროს ნაცვლად, სწორედ პროკურატურას ეწარმოებინა, ვინაიდან საქმეში პოლიციელები ფიგურირებენ.

არსებული ინფორმაციით, რამდენიმე დღის წინ ხარაგაულში მცხოვრებმა ამირან კვირიკაშვილმა სიცოცხლე თვითმკვლელობით დაასრულა. როგორც გარდაცვლილის ოჯახის წევრები აცხადებენ, მომხდარის მიზეზი სამართალდამცველების მხრიდან მასზე განხორციელებული ზეწოლა გახდა.

გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ავტორი: ,

სოციალური ქსელები