2017-10-20 15:45:21, 1780 ნახვა
საზოგადოება
მთავარ პროკურატურაში სკოლის მოსწავლეებისთვის იმიტირებული სასამართლო პროცესების თემაზე პროექტი დაიწყო
საქართველოს პროკურატურამ სკოლის მოსწავლეებისთვის სისხლის სამართლის იმიტირებული სასამართლო პროცესების თემაზე პროექტი დაიწყო. სსიპ „დანაშაულის პრევენციის ცენტრთან“ თანამშრომლობით განხორციელებული პროექტის მიზანს ახალგაზრდებში სამართლებრივი ცნობიერების ამაღლება და მართლწესრიგის მიმართ ჯანსაღი დამოკიდებულებების ჩამოყალიბება წარმოადგენს. კონკურსში მონაწილე ჯგუფები „დანაშაულის პრევენციის ცენტრმა“ შეარჩია. მოსწავლეების თეორიული და პრაქტიკული მომზადების პროცესი საქართველოს მთავარ პროკურატურაში ეტაპობრივად განხორციელდება. პირველ ეტაპზე სკოლის მოსწავლეებს საქართველოს მთავარი პროკურატურის ნაფიც მსაჯულთა სასამართლოს განსახილველ საქმეებზე სახელმწიფო ბრალდების ეფექტიანი მხარდაჭერის უზრუნველყოფის სამმართველოს პროკურორები შეხვდებიან და ნაფიც მსაჯულთა ინსტიტუტს, სასამართლო პროცესების სპეციფიკას და ბრალდების მხარის როლს გააცნობენ. ასევე დეტალურად იქნება განხილული შესავალი და დასკვნითი სიტყვა, პირდაპირი და ჯვარედინი დაკითხვა. პროექტის მეორე ეტაპზე, პროექტში მონაწილე 16 ჯგუფს პროკურორები ინდივიდუალურად შეხვდებიან და მოსწავლეებს პრაქტიკული კაზუსის მომზადებაში დაეხმარებიან. მესამე ეტაპზე კი 8 იმიტირებული სასამართლო პროცესი ჩატარდება და ნაფიცი მსაჯულების ვერდიქტის საფუძველზე თითოეულ პროცესზე გამარჯვებული გუნდი გამოვლინდება, ხოლო პროექტის გამარჯვებულ გუნდს და საუკეთესო ინდივიდუალურ მონაწილეს - ჟიური გამოავლენს. საქართველოს პროკურატურის ერთ-ერთ მთავარ პრიორიტეტს ახალგაზრდების განვითარების ხელშეწყობა წარმოადგენს. აღნიშნული მიმართულებით მიზნობრივი პროექტების განხორციელება მომავალშიც აქტიურად გაგრძელდება.
(NS)
ავტორი: , |
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
ვიდეო/LIVE საქართველოს დამოუკიდებლობის დღე - პირდაპირი
|